AQSh prezidenti Donald Tramp Irandaǵy eń mańyzdy munai saqtaý nysandarynyń biri sanalatyn Hark aralyndaǵy munai qoimasyn basyp alý múmkindigin qarastyryp jatyr, dep habarlaidy Dalanews.kz.
Bul týraly aqparattanǵan derekkózderge silteme jasaǵan Axios basylymy habarlady.
Basylym derekkózderiniń biriniń aitýynsha, Tramp ázirge Hark aralyna qatysty naqty sheshim qabyldamaǵan. Alaida Ormýz buǵazyn ashý áreketteri uzaqqa sozylatyn bolsa, bul ustanym ózgerýi múmkin.
«Prezident kútpeidi jáne irandyqtardyń qaqtyǵystyń baǵytyn ózderi aiqyndaýyna jol bermeidi», - dedi derekkózderdiń biri.
Portaldyń taǵy bir suhbattasy Trampty Hark aralyn tikelei basyp alý ideiasy qyzyqtyratynyn aitty. Onyń pikirinshe, mundai qadam Iran biligine ekonomikalyq turǵydan aýyr soqqy bolar edi, óitkeni Tegeran mańyzdy qarjylandyrý kózinen aiyrylýy múmkin.
