ەنشٸ راحات تۇرلىحانوۆ ەيەلٸن ۇرعانى ٷشٸن پوليتسيياعا جەتكٸزٸلدٸ, دەپ حابارلايدى Dalanews.kz.
بۇل اقپاراتتى الماتىنىڭ پوليتسييا دەپارتامەنتٸ راستادى.
الماتى قالاسىنىڭ مەدەۋ اۋدانىندا بولعان وتباسىلىق جانجال دەرەگٸ بويىنشا پوليتسييا قىزمەتكەرلەرٸ تٷسكەن شاقىرتۋعا جەدەل بارىپ, وقيعاعا قاتىسۋشىلاردى مەن-جايدى انىقتاۋ ٷشٸن اۋداندىق پوليتسييا باسقارماسىنا جەتكٸزدٸ.
تەكسەرۋ بارىسىندا ەنشٸنٸڭ ەيەلٸ باستاپقىدا ٶزٸنە فيزيكالىق كٷش قولدانىلعانىن ايتقان. الايدا كەيٸننەن سوققىعا جىعۋ فاكتٸسٸن جوققا شىعارىپ, وتباسىلىق جانجال بويىنشا ارىز تٷسٸرگەن.
قاراۋ قورىتىندىسى بويىنشا ەر ادامعا قاتىستى قر ەقبتك-نٸڭ 73-بابىنىڭ 1-بٶلٸگٸ بويىنشا ەكٸمشٸلٸك حاتتاما تولتىرىلدى.
ەسكە سالايىق, راحات تۇرلىحانوۆتىڭ وتباسىندا بۇعان دەيٸن دە وسى جايتقا ۇقساس جاعداي بولعان ەدٸ. 2024 جىلى قاڭتاردا الماتى قالالىق سوتىندا ەنشٸ راحات تۇرلىحانوۆتىڭ ٸسٸ بويىنشا سوت وتىرىسى جابىق رەجيمدە ٶتتٸ. تۇرلىحانوۆ 10 تەۋلٸك مەرزٸمگە ەكٸمشٸلٸك قاماۋعا الىنعان ەدٸ.
ايتا كەتەيٸك, بۇعان دەيٸن ەنشٸ راحات تۇرلىحانوۆقا قاتىستى ٸس سوتتا قارالىپ جاتقانى بەلگٸلٸ بولدى. ارتىنشا ەنشٸ كٸنەسٸن مويىنداپ, ەكٸمشٸلٸك ەسكەرتۋ تٷرٸندە ەكٸمشٸلٸك جازاعا تارتىلعان بولاتىن.
كەيٸن راحات تۇرلىحانوۆ پەن جۇبايى التىناي كەيٸنگٸ جاعدايعا قاتىستى پٸكٸر بٸلدٸرٸپ, "بەرٸ جاقسى ەكەنٸن" ايتقان.
