Ánshi Rahat Turlyhanov áielin urǵany úshin politsiiaǵa jetkizildi, dep habarlaidy Dalanews.kz.
Bul aqparatty Almatynyń politsiia departamenti rastady.
Almaty qalasynyń Medeý aýdanynda bolǵan otbasylyq janjal deregi boiynsha politsiia qyzmetkerleri túsken shaqyrtýǵa jedel baryp, oqiǵaǵa qatysýshylardy mán-jaidy anyqtaý úshin aýdandyq politsiia basqarmasyna jetkizdi.
Tekserý barysynda ánshiniń áieli bastapqyda ózine fizikalyq kúsh qoldanylǵanyn aitqan. Alaida keiinnen soqqyǵa jyǵý faktisin joqqa shyǵaryp, otbasylyq janjal boiynsha aryz túsirgen.
Qaraý qorytyndysy boiynsha er adamǵa qatysty QR ÁQBtK-niń 73-babynyń 1-bóligi boiynsha ákimshilik hattama toltyryldy.
Eske salaiyq, Rahat Turlyhanovtyń otbasynda buǵan deiin de osy jaitqa uqsas jaǵdai bolǵan edi. 2024 jyly qańtarda Almaty qalalyq sotynda ánshi Rahat Turlyhanovtyń isi boiynsha sot otyrysy jabyq rejimde ótti. Turlyhanov 10 táýlik merzimge ákimshilik qamaýǵa alynǵan edi.
Aita keteiik, buǵan deiin ánshi Rahat Turlyhanovqa qatysty is sotta qaralyp jatqany belgili boldy. Artynsha ánshi kinásin moiyndap, ákimshilik eskertý túrinde ákimshilik jazaǵa tartylǵan bolatyn.
Keiin Rahat Turlyhanov pen jubaiy Altynai keiingi jaǵdaiǵa qatysty pikir bildirip, "bári jaqsy ekenin" aitqan.
