مەملەكەت باسشىسى رەفەرەندۋمعا بەلسەنە قاتىسقان جاستارمەن ەڭگٸمەلەستٸ, دەپ حابارلايدى Dalanews.kz.
قاسىم-جومارت توقاەۆ "قازمەديا" ورتالىعىندا رەسپۋبليكالىق رەفەرەندۋم اياسىنداعى ٷگٸت-ناسيحات ناۋقانىنا بەلسەندٸ قاتىسقان جاستارمەن كەزدەستٸ.
پرەزيدەنت بٷگٸن تاريحي كٷن ەكەنٸن اتاپ ٶتٸپ, جاستارعا ريزاشىلىعىن بٸلدٸردٸ.
"شىن مەنٸندە, بۇل كٷن ەل ٶمٸرٸندە مەڭگٸ ساقتالادى. ەندٸ 15 ناۋرىز – كونستيتۋتسييا كٷنٸ بولىپ بەلگٸلەنەدٸ. بۇل – ەلٸمٸزدٸڭ باستى قۇجاتى. مەن باسقا دا مەملەكەتتەردٸڭ كونستيتۋتسييالارىمەن تانىسىپ شىقتىم. بٸزدٸڭ كونستيتۋتسييامىز ەڭ ٷزدٸك اتا زاڭداردىڭ قاتارىندا تۇرادى دەپ سەنٸممەن ايتا الامىن", – دەدٸ مەملەكەت باسشىسى.
سونىمەن قاتار, پرەزيدەنت جاڭا كونستيتۋتسييا, ەڭ الدىمەن, جاستارعا ارنالعانىنا نازار اۋداردى. اتا زاڭعا ۆولونتەرلٸك قىزمەت, عىلىم, يننوۆاتسييا, جاساندى ينتەللەكت سيياقتى ۇعىمدار ەنگٸزٸلگەنٸنە توقتالدى.
"اۋقىمدى ٷگٸت-ناسيحات ناۋقانى جٷرگٸزٸلدٸ. الدىمىزدا جۇمىس كٶپ. ەندٸ جازدا پارلامەنت سايلاۋى ٶتەدٸ. ونى بٸر ەل بولىپ اتقارۋىمىز كەرەك. بۇل جاستاردىڭ پارلامەنتٸ بولۋى قاجەت دەپ ويلايمىن", – دەدٸ قاسىم-جومارت توقاەۆ.
