اباي اتىنداعى ەدەبيەت پەن ٶنەر سالاسىنداعى مەملەكەتتٸك سىيلىقتى بەرۋ تەرتٸبٸ مەن ەرەجەسٸنە ٷلكەن ٶزگەرٸس ەنگٸزٸلەدٸ. بۇل تۋرالى 2026 جىلعى مەملەكەتتٸك سىيلىقتى بەرۋ جٶنٸندەگٸ كوميسسييانىڭ تٶراعاسى ەرلان قارين مەلٸمدەدٸ, دەپ حابارلايدى dalanews.kz.
ونىڭ ايتۋىنشا, بيىل كونكۋرسقا ۇسىنىلعان تۋىندىلاردىڭ ەشقايسىسى كوميسسييا مٷشەلەرٸنٸڭ ايقىن باسىم داۋىسىنا يە بولا الماعان.
«كونكۋرسقا تٷسكەن ٷمٸتكەرلەردٸڭ بارلىعىن سىيلايمىز, قۇرمەتتەيمٸز. ولار تٶل رۋحانيياتتىڭ دامۋىنا ٷلكەن ٷلەس قوسىپ كەلە جاتقان بەلگٸلٸ تۇلعالار. ٶزٸم دە بٸرقاتارىن جەكە تانيمىن. بٸراق مەملەكەتتٸك سىيلىق – تۇلعاعا ەمەس, تۋىندىعا بەرٸلەتٸن سىيلىق. وسىنىڭ اراجٸگٸن اجىراتىپ العان دۇرىس», – دەدٸ ەرلان قارين.
ول اتاق بەلگٸلٸ بٸر تۇلعانىڭ بەدەلٸنە نەمەسە رەنجٸپ قالماۋىنا بايلانىستى بەرٸلمەۋٸ كەرەگٸن اتاپ ٶتتٸ.
«اتاقتى بٸرەۋگە ۇناۋ نەمەسە جاعۋ ٷشٸن, رەنجٸپ قالماسىن دەگەن سەبەپپەن بەرەتٸن بولساق, ٶنەر ودان دامىمايدى, بۇل اتاقتىڭ مەرتەبەسٸ ارتپايدى», – دەدٸ كوميسسييا تٶراعاسى.
سونداي-اق ەرلان قارين كونكۋرس نەتيجەسٸن دۇرىس قابىلداۋ قاجەتتٸگٸن ايتتى. ونىڭ سٶزٸنشە, ۇسىنىلعان تۋىندىلاردىڭ بارلىعى داۋىسقا سالىنعانىمەن, ولاردىڭ ەشقايسىسى كوميسسييا مٷشەلەرٸنٸڭ ايقىن باسىم قولداۋىنا يە بولماعان. كەرٸسٸنشە, جۇمىستاردى قولداماعاندار مەن قالىس قالعانداردىڭ ٷلەسٸ باسىم بولعان.
وسى ورايدا ول 2023 جىلى گۋمانيتارلىق عىلىمدار سالاسىنداعى احمەت بايتۇرسىنۇلى اتىنداعى مەملەكەتتٸك سىيلىق لايىقتى جۇمىستاردىڭ بولماۋىنا بايلانىستى بەرٸلمەگەنٸن ەسكە سالدى.
«سوندىقتان كونكۋرس بولعاسىن ونىڭ نەتيجەسٸ دە ەرتٷرلٸ بولۋى مٷمكٸن, ونى دۇرىس قابىلداۋ كەرەك», – دەدٸ ول.
كوميسسييا تٶراعاسى وتىرىس سوڭىندا اباي اتىنداعى مەملەكەتتٸك سىيلىققا تۇتاستاي رەفورما قاجەت ەكەنٸ ايتىلعانىن جەتكٸزدٸ. ونىڭ پٸكٸرٸنشە, قازٸرگٸ سىيلىقتى بەرۋ تەرتٸبٸ زامان تالابىنا ساي كەلمەيدٸ. سوندىقتان تەك تالاپتارى مەن ەرەجەسٸن عانا ەمەس, ونىڭ مازمۇنى مەن سيپاتىن دا ٶزگەرتۋ قاجەت.
ەرلان قارين ەلەمدەگٸ ەڭ بەدەلدٸ نوبەل سىيلىعىن مىسالعا كەلتٸرٸپ, ونىڭ بەلگٸلٸ بٸر جاسقا تولعانى ٷشٸن ەمەس, جاڭالىق پەن جاڭاشىلدىق ٷشٸن بەرٸلەتٸنٸن اتاپ ٶتتٸ.
«سول سيياقتى اباي اتىنداعى مەملەكەتتٸك سىيلىقتى مەرەيتوي يەسٸنە, ٷمٸتكەردٸڭ ماتەريالدىق جاعدايىنا جەنە باسقاداي سەبەپتەرگە بايلانىستى ۇسىنۋ جالپى دۇرىس ەمەس. سوندىقتان, مەملەكەتتٸك سىيلىق تەرتٸبٸ مەن ەرەجەسٸنە ٷلكەن ٶزگەرٸس ەنگٸزەمٸز», – دەدٸ ەرلان قارين.
سونىمەن قاتار ول 2000 جىلداردان بەرٸ اباي اتىنداعى مەملەكەتتٸك سىيلىقتىڭ 60-قا جۋىق ادامعا بەرٸلگەنٸن ايتتى. ونىڭ سٶزٸنشە, بۇل – شىعارماشىلىق سالانىڭ ٶكٸلدەرٸنە مەملەكەت تاراپىنان كٶرسەتٸلگەن ٷلكەن قولداۋ. بۇعان قوسا, پرەزيدەنت قاسىم-جومارت توقاەۆتىڭ شەشٸمٸمەن مەملەكەتتٸك سىيلىق يەگەرلەرٸنە بەرٸلەتٸن قاراجات كٶلەمٸ ارتقان. وسىعان بايلانىستى ەرلان قارين بەدەلدٸ سىيلىققا ۇسىنىلاتىن تۋىندىلار دا سوعان لايىق بولۋى كەرەگٸن اتاپ ٶتتٸ.
«دەمەك, بەدەلدٸ سىيلىققا ۇسىنىلاتىن تۋىندىلار دا وسىعان لايىق بولۋى شارت», – دەپ تٷيٸندەدٸ ول.
