ٶزبەكستان قۇراماسىندا ٶنەر كٶرسەتكەن بوكسشى سايات يليياسوۆ قازاقستان ازاماتتىعىن رەسٸمدەي الماي جٷرگەنٸن مەلٸمدەدٸ. سونىڭ سالدارىنان سپورتشى تارازدا ٶتٸپ جاتقان ەل چەمپيوناتىنا قاتىسا الماعان, دەپ حابارلايدى dalanews.kz sportbugin.kz-كە سٸلتەمە جاساپ.
بوكسشىنىڭ ايتۋىنشا, ول بيىل قاڭتاردا قازاقستانعا قونىس اۋدارىپ, ازاماتتىق الۋعا قاجەتتٸ قۇجاتتارىن تاپسىرعان. قازٸر ماڭعىستاۋ وبلىسىنىڭ نامىسىن قورعاپ جٷرگەن سپورتشى رەسٸمنٸڭ ۇزاققا سوزىلۋىنا بايلانىستى بٸرنەشە ماڭىزدى جارىستان شەت قالعان.
"قۇجاتتارىمدى قاڭتار ايىندا تاپسىردىم. الايدا ەلٸ كٷنگە دەيٸن دايىن ەمەس. ەرتٷرلٸ سەبەپ ايتىلىپ, رەسٸم كەيٸنگە شەگەرٸلٸپ كەلەدٸ. سونىڭ سالدارىنان دايىندىعىم زايا كەتٸپ جاتىر. قازاقستان چەمپيوناتىنا دا, ازييا چەمپيوناتىنا دا قاتىسا المادىم", – دەدٸ سايات يليياسوۆ.
سايات يليياسوۆ بۇعان دەيٸن ٶزبەكستان قۇراماسىنىڭ ساپىندا حالىقارالىق جارىستارعا قاتىسقان. ول 2022 جىلى جاستار اراسىنداعى ازييا چەمپيوناتىندا قولا جٷلدە يەلەنگەن. ال 2025 جىلى 22 جاسقا دەيٸنگٸ بوكسشىلار اراسىنداعى ازييا بٸرٸنشٸلٸگٸندە توپ جارىپ, چەمپيون اتاندى. 60 كەلٸ سالماقتا ٶتكەن فينالدا قازاقستاندىق يليا كالينيندٸ جەڭگەن.
قازاقستان اتىنان ٶنەر كٶرسەتۋ ماقساتىمەن ەلگە قونىس اۋدارعان بوكسشىنىڭ ازاماتتىق الا الماي جٷرگەنٸ ەلەۋمەتتٸك جەلٸدە دە قىزۋ تالقىلانىپ جاتىر.
