Memleket basshysy referendýmǵa belsene qatysqan jastarmen áńgimelesti, dep habarlaidy Dalanews.kz.
Qasym-Jomart Toqaev "Qazmedia" ortalyǵynda respýblikalyq referendým aiasyndaǵy úgit-nasihat naýqanyna belsendi qatysqan jastarmen kezdesti.
Prezident búgin tarihi kún ekenin atap ótip, jastarǵa rizashylyǵyn bildirdi.
"Shyn máninde, bul kún el ómirinde máńgi saqtalady. Endi 15 naýryz – Konstitýtsiia kúni bolyp belgilenedi. Bul – elimizdiń basty qujaty. Men basqa da memleketterdiń konstitýtsiialarymen tanysyp shyqtym. Bizdiń Konstitýtsiiamyz eń úzdik Ata zańdardyń qatarynda turady dep senimmen aita alamyn", – dedi Memleket basshysy.
Sonymen qatar, Prezident jańa Konstitýtsiia, eń aldymen, jastarǵa arnalǵanyna nazar aýdardy. Ata zańǵa volonterlik qyzmet, ǵylym, innovatsiia, jasandy intellekt siiaqty uǵymdar engizilgenine toqtaldy.
"Aýqymdy úgit-nasihat naýqany júrgizildi. Aldymyzda jumys kóp. Endi jazda Parlament sailaýy ótedi. Ony bir el bolyp atqarýymyz kerek. Bul jastardyń parlamenti bolýy qajet dep oilaimyn", – dedi Qasym-Jomart Toqaev.
