الماتىدا ءتۇسىرىلىم كەزىندە 50 ادامنىڭ كومىرتەك توتىعىنان ۋلانۋىنا ۆاگون ىشىندەگى قولدان جاسالعان جىلىتۋ جۇيەسى سەبەپ بولعان، دەپ حابارلايدى Dala News.
بۇل تۋرالى كولىك ءمينيسترى نۇرلان ساۋرانبايەۆ مالىمدەدى.
«ءتۇسىرىلىم جۇرگىزگەن كومپانيا جەكە ۆاگونمەن كەلىسىم جاساعان. ۆاگون ىشىندە سۋىق بولعاندىقتان، ولار جىلىتۋ جۇيەسىن ورناتقان، الايدا ول قانداي دا ءبىر جولمەن ىشكە كومىرتەك توتىعىن بولگەن. بۇل – تولىقتاي قولدان جاسالعان جۇيە. ءقازىر تەرگەۋ اياقتالۋعا جاقىن، ۆاگون يەلەرى قاتاڭ جاۋاپكەرشىلىككە تارتىلادى»، – دەدى مينيستر.
ونىڭ ايتۋىنشا، وقيعادان كەيىن پويىز بىردەن پايدالانۋدان شىعارىلعان.
«بۇل جەردە ناقتى زاڭ بۇزۋشىلىق بار. ۋلانۋ فاكتىسى دالەلدەنگەن، ەندى ونى قۇقىقتىق تۇرعىدا راسىمدەۋ قاجەت»، – دەپ اتاپ ءوتتى ساۋرانبايەۆ.
ەسكە سالساق، 2025 جىلدىڭ جەلتوقسانىندا الماتىدا پويىزداعى ءتۇسىرىلىم كەزىندە 50 ادام ۋلانعان. ونىڭ ىشىندە ەكى بالا جانساقتاۋ بولىمىنە تۇسكەن، تاعى توعىزى توكسيكولوگيا بولىمىنە جاتقىزىلعان.
