Qarmet كومپانياسى حالىقارالىق ىنتىماقتاستىقتى كەڭەيتىپ، جۇڭگو نارىعىنا كومىر كونسەنتراتىن جەتكىزۋدى باستادى، دەپ حابارلايدى Dala News.

سەرىكتەس رەتىندە 1988 جىلى قۇرىلعان China National Fuel Corporation Limited (CNF) كورپوراسياسى قاتىسادى. بۇل كومپانيا كوكستەلەتىن كومىردى جانە توزاڭدى كومىردى جەتكىزۋمەن، سونداي-اق مىس رۋداسى، تەمىر رۋداسى جانە كۇكىرت تاسىمالىمەن اينالىسادى.

جەتكىزىلەتىن ءونىم كوكستەلەتىن كومىر ساناتىنا جاتادى جانە مەتاللۋرگيادا كوكس ءوندىرۋ ءۇشىن پايدالانىلادى — بۇل دومنا پروسەسىنىڭ نەگىزگى كومپونەنتى. ءدال وسى كوكس تەمىردى كەننەن ءبولىپ الۋدى قامتاماسىز ەتىپ، دومنا پەشتەرىنىڭ تۇراقتى جۇمىسىن ۇستايدى جانە شويىن مەن بولات ءوندىرۋدىڭ وزىندىك قۇنى مەن تيىمدىلىگىنە تىكەلەي اسەر ەتەدى.

جاڭا ەكسپورتتىق باعىتتىڭ ىسكە قوسىلۋى تەك ساتۋ نارىعىن كەڭەيتۋ تۇرعىسىنان عانا ەمەس، سونىمەن قاتار Qarmet وندىرىستىك قۋاتتارىنىڭ تۇراقتى جۇكتەلۋى ءۇشىن دە ماڭىزدى. كومىر كونسەنتراتىنىڭ تۇراقتى جەتكىزىلىمدەرى كومپانيا شاحتالارى مەن بايىتۋ فابريكاسىنىڭ ۇزدىكسىز جۇمىسىن قامتاماسىز ەتىپ، كومىر وندىرۋدەن باستاپ ونى مەتاللۋرگياعا دايىنداۋعا دەيىنگى وندىرىستىك تىزبەكتىڭ تۇراقتىلىعىن ساقتايدى.

بۇل ءىرى مەتاللۋرگيالىق جانە ونەركاسىپتىك نارىقتا سۇرانىسقا يە ستراتەگيالىق ءونىم جانە كومىر ديۆيزيونىنىڭ تۇراقتى جۇكتەمەسىن قامتاماسىز ەتەتىن پەرسپەكتيۆالى باعىتتى قالىپتاستىرادى.

«جاسالعان كەلىسىم اياسىندا ك+كج ماركالى كومىر كونسەنتراتىمەن العاشقى تاجىريبەلىك تەمىرجول باعىتى دوستىق – الاشانكوۋ شەكارا وتكەلى ارقىلى ۇيىمداستىرىلدى. العاشقى جونەلتۋ ءساۋىر ايىندا جۇزەگە اسىرىلدى: قىتايعا كولەمى 4،3 مىڭ توننادان استام قۇرام جىبەرىلدى. جۇك قابىلداۋ ستانسياسىنا جەتتى. قازىرگى ۋاقىتتا كومىر كونسەنتراتى تۇتىنۋشىعا تاجىريبەلىك-ونەركاسىپتىك سىناقتار جۇرگىزۋ ءۇشىن بەرىلدى. ولاردىڭ ناتيجەسى ىنتىماقتاستىقتى كەڭەيتۋ جانە جۇڭگو كاسىپورىندارىنا جەتكىزىلىم كولەمىن ايىنا 40 مىڭ تونناعا دەيىن كەزەڭ-كەزەڭىمەن ارتتىرۋ ءۇشىن نەگىز بولادى»، — دەپ اتاپ ءوتتى كومپانيا وكىلدەرى.

Qarmet ءۇشىن بۇل جاي عانا ءبىر رەتتىك جەتكىزىلىم ەمەس، ەكسپورتتىق باعىتتى دامىتۋداعى جانە سىرتقى نارىقتارداعى پوزيسيانى نىعايتۋداعى ماڭىزدى قادام. الەمدەگى ەڭ ءىرى مەتاللۋرگيالىق شيكىزات تۇتىنۋ ورتالىقتارىنىڭ ءبىرى — جۇڭگو نارىعىنا شىعۋ ۇزاق مەرزىمدى ارىپتەستىك ورناتۋعا، كليەنتتىك پورتفەلدى ءارتاراپتاندىرۋعا جانە بايىتۋ فابريكاسىنىڭ وندىرىستىك قۋاتتارىن تۇراقتى جۇكتەۋگە جاڭا مۇمكىندىكتەر اشادى.

جوبانىڭ جۇزەگە اسۋى كومپانيانىڭ جەتكىزۋ گەوگرافياسىن كەڭەيتۋ جانە حالىقارالىق كووپەراسيانى دامىتۋ جونىندەگى ستراتەگيالىق باعىتىن راستايدى. بۇل Qarmetء-تىڭ تمد ەلدەرىندە عانا ەمەس، الىس شەتەل نارىقتارىندا دا ساپالى كومىر كونسەنتراتىنىڭ سەنىمدى جەتكىزۋشىسى رەتىندەگى ءرولىن كۇشەيتەدى.