قازاقستانعا الداعى جىلدارى 144 ۇشاق جەتكٸزٸلەدٸ. بۇل تۋرالى سەناتتاعى پارلامەنتتٸك تىڭداۋدا كٶلٸك مينيسترٸ نۇرلان ساۋرانباەۆ مەلٸمدەدٸ, دەپ حابارلايدى Dalanews.kz.
مينيستردٸڭ ايتۋىنشا, ۆەدومستۆو حالىقارالىق ازاماتتىق اۆياتسييا ۇيىمىمەن (ICAO) بٸرلەسٸپ, 2050 جىلعا دەيٸنگٸ ماستەر جوسپار ەزٸرلەپ جاتىر. قۇجاتتى جىل سوڭىنا دەيٸن قابىلداۋ كٶزدەلگەن.
نۇرلان ساۋرانباەۆ ترانزيتتٸك رەيستەر سانى تۇراقتى ٶسٸپ كەلە جاتقانىن اتاپ ٶتتٸ. كەيٸنگٸ بەس جىلدا بۇل كٶرسەتكٸش تٶرت ەسە ارتقان.
2025 جىلى ەۋە قوزعالىسىن باسقارۋ جٷيەسٸن جاڭعىرتۋ ٷشٸن امەريكالىق Leidos كومپانيياسىمەن كەلٸسٸمشارت جاسالعان. الداعى بەس جىلدا اەروناۆيگاتسييا ينفراقۇرىلىمى تولىق جاڭارتىلىپ, بۇل قازاقستاننىڭ ەۋە دەلٸزدەرٸنٸڭ تيٸمدٸلٸگٸن ارتتىرۋعا مٷمكٸندٸك بەرەدٸ.
مينيستر ەلەمدٸك اۆياتسييا سالاسىنداعى باستى مەسەلەلەردٸڭ بٸرٸ ۇشاق تاپشىلىعى ەكەنٸن ايتتى. جاڭا ەۋە كەمەلەرٸن الۋ ٷشٸن ۇزاق كٷتۋگە تۋرا كەلەدٸ. مىسالى, بٷگٸن Boeing كومپانيياسىمەن كەلٸسٸمشارت جاسالسا, ۇشاقتى جەتكٸزۋ 8-10 جىلعا سوزىلۋى مٷمكٸن.
سوعان قاراماستان, قازاقستاندىق ەۋە تاسىمالداۋشىلار ٶندٸرۋشٸلەرمەن تٸكەلەي جۇمىس جٷرگٸزٸپ جاتىر. جىل سوڭىنا دەيٸن ەۋە پاركٸ تاعى 6 ۇشاقپەن تولىقپاق. ال 2040 جىلعا دەيٸن جالپى سانى 144 ەۋە كەمەسٸن جەتكٸزۋ جوسپارلانعان.
