شقو پوليسەيلەرى ىزدەۋدە جۇرگەن قىلمىسكەردى اۋەجايدا ۇستادى، دەپ حابارلايدى Dalanews.kz.
شىعىس قازاقستان وبلىسىنىڭ پوليسەيلەرى 2016 جىلدان بەرى ىزدەۋدە جۇرگەن 38 جاستاعى ازاماتتى اۋەجايدا ۇستادى.
ول جالپى سوماسى شامامەن 5 ميلليون تەڭگەنى قۇرايتىن الاياقتىق جاساعان دەگەن كۇدىككە ىلىنگەن.
قىلمىستىق ءىس ماتەريالدارىنا سايكەس، كۇدىكتى بىرەۋدىڭ قاراجاتىن سەنىمىنە كىرە وتىرىپ وعان قيانات جاساۋمەن يەمدەنگەنى ءۇشىن ىزدەستىرىلگەن. وسى جىلدار ىشىندە ول ءادىل سوتتان جالتارىپ، تۇرعىلىقتى جەرىن ءجيى اۋىستىرىپ وتىرعان جانە قوعامدىق ورىنداردان ادەيى بوي تاسالاپ جۇرگەن.
جەدەل-ىزدەستىرۋ ءىس-شارالارى بارىسىندا پوليسەيلەر كۇدىكتىنى وسكەمەن قالاسىنا ۇشىپ كەلگەن ساتىندە، ۇشاقتان تۇسكەن بويدا ۇستادى.
قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلۋدە.
