قۇرىلىس ەكى كەزەڭگە بولىنگەن:

ءىى كەزەڭ: ماۋسىم ايىنان باستاپ جاڭا اسفالت توسەلىپ، جول تاڭبالارى سىزىلىپ، باعدارشامدار جاڭارتىلادى. سونىمەن قاتار تروتۋارلار، جاسىل ايماقتار، ۆەلوسيپەد جولدارى، بالالار جانە سپورت الاڭدارىن كورىكتەندىرۋ باستالادى.

جول توسەمى بارلىق ەن بويىنشا جاڭارتىلىپ، قوزعالىس ءىشىنارا 36 ساعاتقا دەيىن جابىلۋى مۇمكىن (كۆارتالدىق كەستە بويىنشا). وسى كەزدە ريەۆەرسيۆتى قوزعالىس ۇيىمداستىرىلادى. مۇنداي ۋاقىتشا قوزعالىس سحەماسى ءال-فارابي مەن اباي داڭعىلىنداعى ورتاشا جوندەۋ كەزىندە تيىمدىلىگىن كورسەتتى.

قالا تۇرعىندارىنىڭ جايلىلىعى قالاي قامتاماسىز ەتىلەدى؟

قۇرىلىس جۇمىستارى كەزىندە تۇرعىندار مەن قالا قوناقتارىنىڭ قولايسىزدىقتى بارىنشا از سەزىنۋى جانە ءقاۋىپسىز ءجۇرىپ-تۇرۋى ءۇشىن بارلىق جاعداي جاسالادى.

جاياۋ جۇرگىنشىلەر ءۇشىن:

• جوندەۋ ۋچاسكەلەرى بويىمەن ىڭعايلى جاياۋ جۇرگىنشىلەر باعىتتارى ۇيىمداستىرىلادى؛
• قورشاۋلار، پاندۋستار جانە جارىق شاعىلىستىرعىش ەلەمەنتتەر ورناتىلادى — بۇل تۇنگى ۋاقىتتاعى قاۋىپسىزدىك پەن مۇمكىندىگى شەكتەۋلى ازاماتتاردىڭ قولجەتىمدىلىگىن قامتاماسىز ەتەدى.

قوعامدىق كولىكپەن قاتىنايتىن جولاۋشىلار ءۇشىن:

• جوندەۋ جۇمىستارى كەزەڭىندە ۋاقىتشا ايالدامالار قويىلادى، ولار نەگىزگى مارشرۋتتارعا بارىنشا جاقىن ورنالاستىرىلادى.

باستى ماقسات — قۇرىلىس ءجۇرىپ جاتقان ۋاقىتتا اۋدان تۇرعىندارىنىڭ ادەتتەگى ءومىر ىرعاعىن ساقتاۋ.

نەگىزگى جۇمىستاردى 2025 جىلدىڭ سوڭىنا دەيىن اياقتاۋ جوسپارلانىپ وتىر.

جۇرگىزىلەتىن جۇمىستار، قوزعالىستى ۋاقىتشا جابۋ جانە سحەمالارداعى وزگەرىستەر تۋرالى اقپارات Almaty_Joly Telegram ارناسىندا، اكىمدىكتىڭ الەۋمەتتىك جەلىلەرى مەن 2GIS جانە ياندەكس كارتالارىندا ۇنەمى جاڭارتىلىپ وتىرادى. بۇل داڭعىل قالا مەن وبلىس اراسىنداعى ماڭىزدى كولىك كۇرە تامىرى بولعاندىقتان، اقپارات قالا ماڭى تۇرعىندارىنا دا جەتكىزىلىپ وتىرادى.