قىتاي حالىق رەسپۋبليكاسىنىڭ بەيجٸڭ قالاسىندا اباي وبلىسىنىڭ ەكٸمٸ بەرٸك ۋەلي بٸرقاتار ٸرٸ قىتايلىق ينۆەستورلارمەن كەزدەسٸپ, جالپى قۇنى 2,5 ميلليارد اقش دوللارىن قۇرايتىن ىنتىماقتاستىق تۋرالى مەموراندۋمدارعا قول قويدى. كەلٸسٸمدەر ٶڭٸردٸڭ ٶنەركەسٸپتٸك جەنە ينفراقۇرىلىمدىق ەلەۋەتٸن ارتتىرۋعا باعىتتالعان, دەپ حابارلايدى dalanews.kz.
ايماق باسشىسى الدىمەن حالىقارالىق ينجەنەرلٸك جەنە ينۆەستيتسييالىق «DDS Group» كومپانيياسىنىڭ ٶكٸلدەرٸمەن كەزدەستٸ. كەزدەسۋ قورىتىندىسىندا تاراپتار ٶزارا تٷسٸنٸستٸك جەنە ىنتىماقتاستىق تۋرالى مەموراندۋمعا قول قويدى. قۇجاتقا سەيكەس, كومپانييا ماقانشى اۋدانىنىڭ باقتى اۋىلىندا جالپى اۋماعى 3 مىڭ گەكتاردى قۇرايتىن يندۋسترييالىق پارك سالۋدى جوسپارلاپ وتىر. جوبانىڭ ينۆەستيتسييالىق قۇنى – 1,5 ميلليارد اقش دوللارى.
سونىمەن قاتار بەرٸك ۋەلي قىتايدىڭ جەتەكشٸ ٶنەركەسٸپتٸك حولدينگتەرٸنٸڭ بٸرٸ سانالاتىن Jiachen Group باسشىلىعىمەن كەلٸسسٶز جٷرگٸزدٸ. كەزدەسۋ نەتيجەسٸندە اباي وبلىسىنىڭ ەكٸمدٸگٸ, Liaoning Jiachen Holding Group جەنە Xinjiang Sanbao Industrial Group اراسىندا ماقانشى اۋدانىندا اليۋمينيي زاۋىتىن سالۋ جٶنٸندەگٸ مەموراندۋمعا قول قويىلدى. جوبانىڭ قۇنى 1 ميلليارد اقش دوللارىن قۇرايدى.
جاڭا ٶندٸرٸس ورنى ٸسكە قوسىلعاننان كەيٸن ٶڭٸردە مىڭداعان جاڭا جۇمىس ورنى اشىلادى دەپ كٷتٸلۋدە. ينۆەستورلار جوبالاردى جٷزەگە اسىرۋ جۇمىستارىن جاقىن ارادا باستاۋعا دايىن ەكەندەرٸن مەلٸمدەدٸ.
ساپار بارىسىندا وبلىس ەكٸمٸ سونداي-اق China Railway Construction Engineering Group (CRCEG) كومپانيياسىنىڭ ٶكٸلدەرٸمەن كەزدەسٸپ, اباي وبلىسىنداعى كٶلٸك-لوگيستيكالىق جەنە ينفراقۇرىلىمدىق جوبالاردى بٸرلەسٸپ ٸسكە اسىرۋ مٷمكٸندٸكتەرٸن تالقىلادى. تاراپتار قۇرىلىس سالاسىنداعى ىنتىماقتاستىقتى كەڭەيتۋ جەنە ٶڭٸردٸڭ ترانزيتتٸك ەلەۋەتٸن ارتتىرۋ مەسەلەلەرٸنە نازار اۋداردى.
اتالعان كەلٸسٸمدەر اباي وبلىسىنا شەتەلدٸك ينۆەستيتسييا تارتۋ, جاڭا ٶندٸرٸستەر اشۋ, جۇمىس ورىندارىن قۇرۋ جەنە ٶڭٸر ەكونوميكاسىن ەرتاراپتاندىرۋ باعىتىنداعى ماڭىزدى قادامداردىڭ بٸرٸ سانالادى.
