جاڭاقورعان اۋدانىنىڭ مەكتەپ-ينتەرناتىندا باستاۋىش سىنىپ ءمۇعالىمى لاۋازىمىنا جاريالانعان كونكۋرس ناتيجەسى زاڭسىز دەپ تانىلدى، دەپ حابارلايدى Dalanews.kz.
اتالعان لاۋازىمعا بەس ۇمىتكەر قاتىسقان. ولاردىڭ ءبىرىن قابىلداۋ كوميسسياسى جەڭىمپاز دەپ تانىپ، جۇمىسقا قابىلداعان. الايدا بايقاۋعا قاتىسقان تاعى ءبىر ۇمىتكەر بۇل شەشىممەن كەلىسپەي، سوتقا جۇگىنگەن. ونىڭ ايتۋىنشا، جەڭىمپاز دەپ تانىلعان ادامنىڭ ەڭبەك ءوتىلى نەبارى ءبىر جىل بولعان، ال ءوز تاجىريبەسى مەن جەتىستىكتەرى مۇلدە ەسكەرىلمەگەن.
“مامانداندىرىلعان مەجەلى اۋدانارالىق اكىمشىلىك سوت تالاپكەردىڭ ارىزىن قاناعاتتاندىرىپ، مەكتەپ-ينتەرناتتىڭ قابىلداۋ كوميسسياسىنىڭ حاتتاماسىن زاڭسىز دەپ تانىپ، كۇشى جويىلدى. كونكۋرس جەڭىمپازى بۇل شەشىمگە اپەللياسيالىق شاعىم تۇسىرگەن. قىزىلوردا وبلىستىق سوتى ءىستىڭ ءمان-جايىن زەرتتەي كەلە، كونكۋرس بۇعان دەيىن دە وتكىزىلگەنىن، ءبىراق ۇيىمداستىرۋ بارىسىندا بۇزۋشىلىقتار انىقتالعان سوڭ، ۋاكىلەتتى ورگاننىڭ نۇسقاۋىنا سايكەس قايتا وتكىزىلگەنىن اتاپ ءوتتى”، – دەپ حابارلادى وبلىستىق سوتتىڭ باسپا ءسوز قىزمەتى.
الايدا قايتالاما كونكۋرس تا زاڭ بۇزۋشىلىقتارمەن ءوتتى. ۇيىمداستىرۋشىلار قۇجات قابىلداۋ مەرزىمىن ساقتاماعان جانە كونكۋرس كوميسسياسىنىڭ وتىرىسىنان ءبىر كۇن بۇرىن عانا كونكۋرس جاريالاپ، سول كۇنى-اق ناتيجەسىن شىعارعان.
بۇدان بولەك، سوت ءبىلىم بەرۋ سالاسىندا ساپانى قامتاماسىز ەتۋ كوميتەتىنە انىقتالعان زاڭبۇزۋشىلىقتار بويىنشا جەكە ۇيعارىم جولدادى.
