قارجىگەر كٷنەكەي نۇرلان جانار بايسەمٸزگە بەرگەن سۇحباتىندا عىلىمي ديسسەرتاتسيياسى اياسىندا قازاقستانداعى كەيبٸر بلوگەرلەردٸڭ ەلدٸ قىمبات زاتتاردى نەسيەگە الىپ الداۋى تۋرالى زەرتتەۋ جٷرگٸزگەنٸن ايتتى. ول بۇل ەرەكەتتەردٸڭ قوعامعا زيياندى ەكەنٸن ناقتى مىسالدارمەن كەلتٸرٸپ وتىر, دەپ حابارلايدى Dalanews.kz.
قارجىگەردٸڭ ايتۋىنشا, حالىقتىڭ ٸشكٸ قارجىلىق تۇراقسىزدىعى مەن سەنٸمسٸزدٸگٸ – جالعان ٶمٸر سالتىن كٶرسەتەتٸن بلوگەرلەر, ەرتٸستەر مەن ينفوبيزنەسمەندەردٸڭ كٶبەيۋٸنە سەبەپ بولىپ وتىر.
«قازٸر ادامداردىڭ ٸشكٸ تۇراقسىزدىعىنان حايپ قۋعاندار كٶبەيدٸ. ولار جۇرتتى ەسەرلەۋ ٷشٸن ٶز ٶمٸرلەرٸن ەدەيٸ ەدەمٸلەپ كٶرسەتەدٸ. مەن ٶز بلوگىمدا “بلوگەرلەر سٸزدٸڭ قارجىلىق شەشٸمدەرٸڭٸزگە ەسەر ەتە مە?” دەگەن ساۋالناما جٷرگٸزدٸم. رەسپوندەنتتەردٸڭ 60%-ى “يە, كەدٸمگٸدەي ەسەر ەتەدٸ” دەپ جاۋاپ بەردٸ. ال مەنٸڭ اۋديتورييام – ويلاناتىن اۋديتورييا», – دەيدٸ كٷنەكەي.
قارجىگەر ديسسەرتاتسيياسى اياسىندا بلوگەرلەردٸڭ قىمبات تاۋارلاردى جالعا الىپ, جالعان ٶمٸر سالتىن كٶرسەتەتٸنٸ تۋرالى ناقتى دەرەكتەردٸ جيناعانىن ايتتى.
«جىلدام بايىپ كەتۋ, بيزنەس-كلاسس ۇشاقپەن ۇشۋ, برەند كيٸم كييۋ — بەرٸ دە ەسەر ەتۋدٸڭ مىسالى. مىسالى, مالشى ادام بيزنەس-كلاسسپەن ۇشپاس بۇرىن “ماعان شىنىمەن بۇل بيلەت كەرەك پە?” دەپ ويلانۋى كەرەك. مۇعالٸم Gucci اياق كيٸمٸن العىسى كەلسە, الدىمەن “بۇل تۋفلي مەنٸڭ ٶمٸرٸمدٸ جاقسارتا ما?” دەپ ٶزٸنە سۇراق قويسىن. ال بلوگەرلەر “Esentai Mall-عا” بارىپ, حالىقتىڭ نازارىن اۋدارۋ ٷشٸن نەسيەگە قىمبات كيٸمدەر الىپ, اۆتوسالونداردان كٶلٸكتەر مەن قىزىل بانتيكتەردٸ جالعا الادى. بۇل — مەن زەرتتەگەن ناقتى دەرەكتەر», — دەيدٸ ول.
كٷنەكەيدٸڭ ايتۋىنشا, قارجىلىق تۇراقتىلىققا كەمٸندە 3–4 جىل قاجىرلى ەڭبەكپەن عانا جەتۋگە بولادى. ال كەيبٸر بلوگەرلەر «مەن سيياقتى باي بولعىڭ كەلسە, 9 مىڭ تەڭگەگە كۋرسىما جازىل» دەپ جالعان ۋەدەلەرمەن جۇرتتى اداستىرادى.
«Cartier-دٸڭ ەشەكەيٸن بٶلٸپ تٶلەۋگە الۋ – بۇل شەكتەن شىققاندىق. بۇل حالىققا ٶتٸرٸك ايتىپ, ولاردىڭ سەنٸمٸن پايدالانۋ. شىن مەنٸندە, ادام ٸشكٸ تۇراقتىلىققا يە بولماسا, سىرتقى فاكتورلاردىڭ ىقپالىمەن دۇرىس شەشٸم قابىلداي المايدى», – دەيدٸ كٷنەكەي نۇرلان.
