S. Sartaevty zańger ǵalym jáne qoǵam qairatkeri retinde tek Qazaqstanda, TMD memleketterinde ǵana emes, Eýropa men Aziianyń kóptegen elderinde biledi. Ol eki Búkilálemdik kongreske belsendi qatysyp, baiandama jasaǵan. 1955 jyldan bastap respýblikanyń iri zań jobalaryn jasaýǵa atsalysýda. Qazaqstan Respýblikasy Joǵarǵy keńesiniń HII-HIII shaqyrylymynyń isker depýtattarynyń biri retinde tilder týraly Zańdardyń, Respýblika Prezidentiniń Qyzmetin taǵaiyndaý, Qazaq KSR-niń memlekettik egemendigi týraly Deklaratsiiasynyń, Qazaqstan Respýblikasy memlekettik táýelsizdigi týraly Konstitýtsiialyq Zańyn, Qazaqstan Respýblikasynyń azamattyq týraly zań jobalaryn jasaýǵa qatysqandardyń biri. 1980 jyly Maltada Halyqaralyq saiasi ǵylymdar qaýymdastyǵy (MAIýD), 1984 jyly Grekiiada, 1988 jyly AQSh-ta, 1991 jyly Argentinada, Eýropa men Aziianyń jeti memleketinde: Ispaniiada 1982 jyly, GFR-da 1989 jyly jáne 1992 jyly, 1993 jyly AQSh-ta adam quqyǵynyń eń mańyzdy máseleleri boiynsha dárister oqydy. Qazaqstan tarihyndaǵy tuńǵysh Qazaqstan Respýblikasy Prezident Keńesi – Respýblika Prezidenti janyndaǵy bas Keńes organynyń 9 múshesiniń biri bolǵan, Prezident janyndaǵy QR sotymen sottalǵandarǵa keshirim jasaý Respýblikalyq Komissiiasynyń Tóraǵasy boldy. Uzaq jyldar boiy ál-Farabi atyndaǵy QazUÝ zań fakýltetiniń teoriialyq seminar jetekshisi boldy. Sonymen qatar “Parasat” jáne “Eýraziia” jýrnaldary redaktsiialyq alqasyna múshelik etti.
20 jyldan astam ýaqyt Keńes zańgerleri qaýymdastyǵynyń, Keńes saiasi ǵylymdar qaýymdastyǵynyń jumystaryna aralasty. Qazaqstan Respýblikasynyń tarihyndaǵy alǵashqy Qazaqstan zańgerleri Odaǵynyń prezidenti, KSRO zańgerler Odaǵy tóraǵasynyń orynbasary boldy.
Qazirgi kezde Qazaqstan zańgerleri qaýymdastyǵynyń tóraǵasy. Qazaqstandaǵy memlekettik emes birinshi joǵary oqý ornynyń biri – Qazaq quqyqtaný jáne halyqaralyq qatynastar institýtynyń (KIPMO) rektory. Onyń ǵylymi jetekshiligimen 4 doktorlyq jáne 30-ǵa jýyq kandidattyq dissertatsiia qorǵaldy.490-nan astam ǵylymi jáne ǵylymi-kópshilik eńbekteri, sonyń ishinde 24 monografiia, 30 kitapsha, ǵylymi jáne ǵylymi-kópshilik maqalalary bar. Qazirgi kezde onyń basylýǵa iri kólemdi eńbegi – “Keńes sharty” boiynsha materialdar men qujattardyń 25 tomy jáne QR memleket jáne quqyq tarihy boiynsha 10 tomdyq materialdary bar ekenin eske sala keteiin. 1975 jyly Qazaq KSR Ǵylym akademiiasynyń korrespondent-múshesi, 1995 jyly Gýmanitarlyq ǵylymdar akademiiasynyń akademigi, 1996 jyly QR áleýmettik ǵylymdar akademiiasynyń akademigi, 2003 jyly QR UǴA akademigi bolyp sailandy.
“Qurmet belgisi” ordenimen, “Tyń jáne tyńaiǵan jerlerdi igergeni úshin” medalimen, “Bilim” Búkilodaqtyq qoǵamynyń “Belsendi eńbegi úshin” medalimen, «Eńbek ardageri» medalimen, QazKSR Joǵarǵy Keńesiniń gramotasymen, KSRO Joǵary jáne arnaýly orta bilim ministrliginiń “Jumystaǵy úzdik tabystary úshin” medalimen, “Parasat” ordenimen jáne ózge de nagradalarmen marapattalǵan.
Sartaev óz zamanynyń zańǵary bolǵan tulǵa.Ol ǵylymi kadrlardy daiyndaýǵa eleýli úles qosqan. Akademik Sultan Sartaiulynyń tek ǵylym jolyn tańdaǵan shákirtteri – elýge tarta ǵylym kandidattary, dotsentter; ózge kórshi elderdi qosa eseptegende, onshaqty ǵylym doktorlary, professorlar bar. S.Sartaev Qazaqstan Respýblikasy Ishki ister ministrligi Akademiiasy janyndaǵy dissertatsiialyq keńesterdiń jumysyna qatysty.
Ál-Farabi atyndaǵy Qazaq Ulttyq ýniversitetiniń zań fakýltetiniń ujymy Sartaevtyń zań ǵylymdaryna qosqan úlesin eskere otyra, zań salasyndaǵy ǵylymi eńbekterin: oqýlyqtar, oqý-ádistemelik keshender, monografiialar, ǵylymi eńbekter jinaqtaryn ornalastyryp qoiǵan jáne S.Sartaev atyndaǵy aýditoriia bar ekenin de aita ketkenimiz jón.
Biskýltanova Albina
ál-Farabi atyndaǵy Qazaq ulttyq ýniversitetiniń zań fakýlteti Memleket jáne quqyq teoriiasy men tarihy,konstitýtsiialyq jáne ákimshilik quqyq kafedrasynyń aǵa oqytýshysy
