Almaty qalasynda avtobýs apattarynyń sany artyp keledi, dep habarlaidy Dalanews.kz.
Ákimshilik politsiia basqarmasynyń bastyǵy Ashat Qulbaevtyń málimetinshe, jyl basynan beri megapoliste qoǵamdyq kólik qatysqan 460-tan astam jol-kólik oqiǵasy tirkelip, olardyń saldarynan 600-den astam adam zardap shekken. Reidtik is-sharalar barysynda politseiler avtobýstar júrgizýshileri tarapynan eki myńnan astam jol júrý erejesin buzý faktisin anyqtaǵan.
Onyń aitýynsha, avtopark basshylary júrgizýshilermen ár kún saiyn jolǵa shyǵar aldynda nusqaýlyq jumystaryn ótkizip, sondai-aq, avtobýstardyń tehnikalyq jaǵdaiyn qatań baqylaýda ustaýy tiis. Ásirese, qys maýsymy kezinde qaýipsizdikti barynsha qatańdatý qajet.
