Qazaqstanda «Diplommen – aýylǵa» ipotekalyq baǵdarlamasy iske qosyldy, dep habarlaidy Dalanews.kz.
Baǵdarlama kimderge arnalǵan?
Bul memlekettik baǵdarlama aýyldyq jerlerde jumys isteitin mamandarǵa arnalǵan. Atap aitqanda:
Aýyl sharýashylyǵy salasy: agronomdar, veterinarlar jáne basqa da mamandar;
Bilim berý: muǵalimder, tárbieshiler;
Densaýlyq saqtaý: dárigerler, medbikeler;
Áleýmettik qorǵaý: áleýmettik qyzmetkerler;
Mádeniet jáne sport: jattyqtyrýshylar, mádeniet úileri qyzmetkerleri;
Memlekettik qyzmet: aýyldyq okrýg ákimdikteriniń apparat mamandary (ákim men onyń orynbasarlarynan basqa).
Negizgi talaptar
Baǵdarlamaǵa qatysý úshin:
Sońǵy 2 jylda tańdaǵan aýylda turǵyn úi bolmaýy,
Nesie boiynsha qaryzdyń bolmaýy,
Tehnikalyq, kásibi, joǵary nemese joǵary oqý ornynan keiingi bilim týraly diplomnyń bolýy qajet.
Sonymen qatar, nesie alǵannan keiin keminde 3 jyl óz mamandyǵy boiynsha aýylda jumys isteý mindetteledi.
Qandai kómek qarastyrylǵan?
Baǵdarlama aiasynda:
Kóshýge arnalǵan bir rettik kóterme aqy – 100 AEK (2025 jyly 393 200 teńge);
1% mólsherlememen 15 jylǵa deiingi jeńildetilgen nesie beriledi. Nesie somasy eldi mekenniń ornalasýyna bailanysty 2500 AEK-ke deiin (shamamen 9,83 mln teńge) jetedi.
