Óńirdegi Robotty hirýrgiia ortalyǵynda qaýipti dertke shaldyqqan azamattar óte kúrdeli ota jasalady. Mundaǵy «aqyldy apparattardy» paidalaný ortalyq mamandarynan joǵary biliktilikti talap etedi.
Robotty hirýrgiia ortalyǵyndaǵy Strategiialyq damýǵa jaýap beretin bólimniń meńgerýshisi Elena Kýlikovanyń atap ótkenindei ortalyq mamandarynyń derligi óz mashyqtaryn jetildirý úshin Londondaǵy úzdik klinikalarda sheberligin shyńdaǵan.
«Búginde olar shetelde kózben kórip, qolmen ustaǵan ozyq medqurylǵylardy óz óńirinde qoldanysqa engizip, qajetke jaratýda.
Meditsina salasyna innovatsiialyq jobalardy engizýde óńir basshysynyń qoldaýyn sezinip otyrmyz», – deidi ol.
Al Danial Ahmetovtyń pikirinshe sheteldegi ozyq medortalyqtardan bilim alyp mamandar elge ózgerip oralady. Joǵary sapaly qyzmetti qalai qalyptastyrýǵa kerektigin úirenedi. Sol jaqtyń dárigerleri erkin qoldanatyn medapparattardy el elinde iske jaratýǵa asyǵady.
«Ahmetovtyń uiytqy bolýymen osyǵan deiin tek damyǵan elder «qyzyǵyn kórip kelgen» aqyldy apparattar Qazaqstanǵa jetip, alǵash ret ShQO-da qoldanysqa endi.
Óńirdegi izdenimpaz, entýziast mamandar shetelden kórgen-túigenin «kóshirýmen» ǵana shektelip otyrǵan joq, meditsinada «Qazaqstanda jasalǵan» brendterdi qalyptastyryp jatyr», – deidi Kýlikova.
Sonyń biri – insýltty 10 minýttyń ishinde anyqtai alatyn «Serebro» jobasy. Insýlt kúdigimen aýrýhanaǵa túsken adamdy aldymen tomografiiaǵa túsiretini belgili. Alaida odan alynǵan málimetten insýltty tájiribeli dárigerdiń ózi anyqtai almai jatady. «Serebro» jobasy osy tomografiia málimetin 100 paiyz dáldikpen anyqtaidy.
Al Danial Ahmetov aimaqtaǵy meditsina salasyn respýblikalyq deńgeiden asyryp, Eýraziialyq odaqtyń kóleminde nasihattamaqshy.
«Buǵan bizdiń áleýetimiz jetedi», – deidi aimaq basshysy.
Aitalyq, jaqyndaǵy ǵana Semeidegi Iadrolyq meditsina jáne onkologiia ortalyǵynda obyr aýrýyn radiofarmdy dári-dármekpen emdeitin radionýklidti terapiia bólim ashyldy.
Ashylǵanyna bir jyl da tolmaǵan ortalyqqa kómek surap kelýshiler arasynda qazaqstandyqtardan bólek, sheteldik emdelýshiler de jeterlik.
Aimaqtaǵy innovatsiia salasy tek meditsina salasymen shektelmeidi. Shyǵys Qazaqstan energetika salasyndaǵy innovatsiialarǵa da basym kóńil bólýde.
Biyl óńirde Qazaqstan men Qytaidyń birlesken jobasy «ÚLBI TVS» kásiporny ashyldy. Zaýytta iadroly reaktordan jylý bólýge asa qajetti bólshekter jasalady.
«Mundai joba elimizde buryn-sońdy bolǵan joq. Endigide iadroly janarmai óndiretin jetekshi eldermen básekege túsetin múmkindik bar», – deidi zaýyttyń basqarma tóraǵasy Sergei Bejetskii.
Shaǵyn gidroenergetikany damytýda óńirdegi ózen-kólderdiń áleýeti zor. Sarapshylardyń pikirinshe gidrostantsiialar munai baǵasyna táýeldi emes, ári qaita qalpyna keletin energiia kózine jatady.
«Qazaqstannyń gidroáleýetiniń 70 paiyzǵa jýyǵy ShQO-da shoǵyrlanǵan. Eger Shyǵystaǵy gidrostantsiialar bolmaǵanda osy kúnge deiin aýaǵa 680 tonna kómirqyshqyl gazy taralar edi. Ýaqyt kete kele keibir kómirstantsiialar toqtatyp, Shyǵystaǵy ózen-kólderdiń qýatyn tolyq paidalansaq, tabiǵatty saqtap qalýǵa qosqan úlesimiz bolar edi», – deidi «Turǵysyn 1» JShS direktory Qalaýbek Baimuhanbetov.
Tutastai alǵanda Shyǵys Qazaqstan óńirin innovatsiialyq jobalardy jatsynbai eń belsendi aimaq dep ataýǵa ábden bolady.
