22 qazan kúni Máskeýde Resei men Qazaqstannyń syrtqy ister ministrleri Sergei Lavrov pen Ermek Kósherbaevtyń birlesken baspasóz máslihaty ótti. Is-shara eki el basshylarynyń kelissózderinen keiin uiymdastyrylǵan bolatyn, dep habarlaidy Dalanews.kz.
Jiynnyń basynda Lavrov áriptesiniń tegin qate aityp, sózin bylai bastaǵan:
"Qurmetti hanymdar men myrzalar, biz Qazaqstan Respýblikasynyń Syrtqy ister ministri Ermek Bidelbaevich Kósherbaevpen kelissózder júrgizdik. Kelissózder ashyq ári konstrýktivti ótti", – dedi ol.
Alaida Qazaqstan syrtqy ister ministriniń aty-jóni orys tilinde – Kosherbaev Ermek Bedelbaevich.
Aita keteiik, Reseidiń joǵary laýazymdy tulǵalarynyń qazaqstandyq saiasatkerlerdiń esimderi men tekterin shatastyryp aitýy bul birinshi ret emes. Buǵan deiin Vladimir Pýtin de prezident Qasym-Jomart Kemeluly Toqaevtyń atyn birneshe ret qate ataǵan bolatyn.
