22 قازان كٷنٸ مەسكەۋدە رەسەي مەن قازاقستاننىڭ سىرتقى ٸستەر مينيسترلەرٸ سەرگەي لاۆروۆ پەن ەرمەك كٶشەرباەۆتىڭ بٸرلەسكەن باسپاسٶز مەسليحاتى ٶتتٸ. ٸس-شارا ەكٸ ەل باسشىلارىنىڭ كەلٸسسٶزدەرٸنەن كەيٸن ۇيىمداستىرىلعان بولاتىن, دەپ حابارلايدى Dalanews.kz.
جيىننىڭ باسىندا لاۆروۆ ەرٸپتەسٸنٸڭ تەگٸن قاتە ايتىپ, سٶزٸن بىلاي باستاعان:
"قۇرمەتتٸ حانىمدار مەن مىرزالار, بٸز قازاقستان رەسپۋبليكاسىنىڭ سىرتقى ٸستەر مينيسترٸ ەرمەك بيدەلباەۆيچ كٶشەرباەۆپەن كەلٸسسٶزدەر جٷرگٸزدٸك. كەلٸسسٶزدەر اشىق ەرٸ كونسترۋكتيۆتٸ ٶتتٸ", – دەدٸ ول.
الايدا قازاقستان سىرتقى ٸستەر مينيسترٸنٸڭ اتى-جٶنٸ ورىس تٸلٸندە – كوشەرباەۆ ەرمەك بەدەلباەۆيچ.
ايتا كەتەيٸك, رەسەيدٸڭ جوعارى لاۋازىمدى تۇلعالارىنىڭ قازاقستاندىق ساياساتكەرلەردٸڭ ەسٸمدەرٸ مەن تەكتەرٸن شاتاستىرىپ ايتۋى بۇل بٸرٸنشٸ رەت ەمەس. بۇعان دەيٸن ۆلاديمير پۋتين دە پرەزيدەنت قاسىم-جومارت كەمەلۇلى توقاەۆتىڭ اتىن بٸرنەشە رەت قاتە اتاعان بولاتىن.
