1 qańtardan beri Óskemende 150 myńnan astam jol qozǵalysy erejelerin buzý faktisi tirkeldi. Bul óz kezeginde 2020 jylmen salystyrǵanda 40 paiyzǵa joǵary. Ótken jyly 115 myń jol erejesin buzý deregi anyqtalǵan.
ShQO tsifrlandyrý basqarmasynyń basshysy Marina Gagarina baspasóz konferentsiiasy barysynda "Sergek" AÓK jumysy týraly aityp ótti.
Onyń aitýynsha, oblys ortalyǵynda zań buzýshylyqty tirkeý 159 apparattyq-baǵdarlamalyq keshenderde nemese tórt myńǵa jýyq kamera arqyly júrgiziledi. Shamamen 1300 kamera Óskemen qalasynyń aýla aýmaqtaryndaǵy tártipti qadaǵalaidy.
Jyl basynan bastap "Sergek" kameralary arqyly toǵyz myń ákimshilik quqyq buzýshylyqty anyqtaýǵa kómektesti.
2020 jylmen salystyrǵanda 17 paiyzǵa kóp. Beinebaqylaý arqyly 137 qylmystyq is ashyldy.
ShQO-ǵy ekinshi iri shahar Semei qalasyndada aldaǵy ýaqytta "Sergek" AÓK iske qosý josparlanǵan. Kameralar 74 qiylysty, 40 jelilik ýchaskeni qamtýy tiis. Barlyǵy 1 390 kamera ornatylýy kerek.
«Kameralardy ornatý oryndarynyń tizbesi bekitildi, pilottyq "rejimde 10 lokatsiiada 20 kamera montajdaldy, olar ShQO ákiminiń sitýatsiialyq ortalyǵymen biriktirilgen», dep atap ótti Marina Gagarina.
Budan basqa, óńirde ulttyq beinemonitoringtiń júiesi boiynsha joba iske asyrylýda, oǵan sáikes politsiia departamenti beinebaqylaý kameralaryn ulǵaitý, sondai-aq barlyq ornatylǵan kameralardy integratsiialaý boiynsha jol kartasyn ázirlemek.
Monitoring júiesine barlyq obektiler, onyń ishinde saýda-oiyn-saýyq ortalyqtary engiziletin bolady. Jalpy, búgingi tańda oblys boiynsha 18 myń beinebaqylaý kameralary ornatylǵan.
