Qala basshysy Kýrchatovte 12 sport zaly, 5 sporttyq alań, 2 alańsha, 4 hokkei korty, 3 kópfýnktsionaldi alań, 3 trenajer zaly bar ekenin alǵa tartty. Budan basqa qalada jasósipirimderge arnalǵan sport mektepterindi 400-den astam bala sporttyń segiz túrimen ainalysady eken.
– Elimizde qalyptasqan epidahýalǵa qaramastan qalamyzdyń namysyn qorǵap júrgen sportshylarymyz toǵyz oblystyq, toǵyz respýblikalyq, eki Aziia aýmaǵyndaǵy jáne aimaqaralyq jarystarǵa qatysyp, ózderiniń baqtaryn synady. Osy jarystardyń nátijesinde qorjynymyzǵa 104 medal tústi. Olardyń 33 alty, 37 kúmis, 34 qola. Tórt sportshymyz gir kóterý, armrestling jáne qazaqsha kúres boiynsha «sport sheberi» degen ataqqa ie boldy, – deidi Kýrchatov qalasynyń ákimi Aleksei Glazinskii.
Osy rette Kýrchatov qalasynda demeýshilerdiń qoldaýymen bassein salanyp, barlyq dezinfitsiialyq qural-jabdyqtardy alyp bergen bolatyn. Qazirgi tańda bassein karantindik sharalarǵa bailanysty ýaqytsha jumys istemeidi. Karantin aiaqtlaǵannan keiin qala turǵyndary basseiinniń qyzyǵyn kóretin bolady.
– ShQO Sanitarlyq-epidemiologiialyq qadaǵalaý departamenti ruqsat bergennen keiin oqýshylar basseinde jattyǵý jumystaryn jalǵasatyn bolady. Sý sportymen ainalysatyn jas jetkinshekterge bassein tegin qyzmet kóretedi. Basseinde jattyqtyrýyshlar men meditsina qyzmetkerleri balalardyń qaýipsizdigin udaiy baqylaidy, – dedi qala basshysy.
