Sankt-Peterbýrg qalasynda «Zenit» komandasynyń jartylai qorǵaýshysy Andrei Mostovoidy kóshede urlap áketýge áreket jasaldy. Belgisiz birneshe adam sportshyny qolynan ustap, kólikke kúshtep otyrǵyzbaq bolǵan, dep habarlaidy Dalanews.kz.
Alaida fýtbolshy qarsylyq tanytyp, qashyp qutylǵan. Oǵan sol mańnan ótip bara jatqan er adam kómektesip, oqiǵa ornyna aralasqan.
Keiin taǵy bir urlaý oqiǵasy tirkeldi
Eki kúnnen keiin dál sol jerde qylmyskerler óz josparyn júzege asyrǵan: olar Resei Memlekettik dýmasy depýtatynyń kúieý balasyn urlap ketken.
Qylmystyń stsenariii uqsas bolǵan - shabýyl jasap, kúshtep kólikke otyrǵyzyp, keiin qorqytyp aqsha talap etken.
Jábirlenýshiden 2,5 million rýbl (shamamen 17 million teńge) qolma-qol aqsha alǵan soń, ony bosatqan.
Qazir kúdiktiler ustaldy. Oqiǵa boiynsha urlaý jáne qaraqshylyq baptary boiynsha qylmystyq is qozǵalyp, tergeý júrgizilýde.
