Indýstriialandyrý kartasy: Aqmola óńirinde 12 myń adam turaqty jumysqa ornalasady
Aitalyq, Indýstriialandyrý kartasy aiasynda aldaǵy ýaqytta óńirde 12 myńnan astam turaqty jumys ornyn ashý kózdelip otyr. Bul maqsatqa 782 mlrd. teńge bólinbek. Barlyǵy 90-ǵa jýyq joba iske qosylmaqshy.
Bastysy, búginde bul meje 70 paiyzǵa oryndalǵan. Kóptegen kásiporyndar iske qosylyp, jergilikti halyq jumyspen qamtylǵan.
Sondai jobalardyń biri óńirdegi Tsement zaýyty. Sońǵy 10 jyl boiyna áne ashylady, mine ashylady dep kútken joba aqyry iske qosylǵan. Zaýyt óńirdegi eń iri óndiris oryndarynyń biri sanalady.
Qazirgi kúni óndiris orny 600 adamdy jumyspen qamtyp otyr. Al zaýyt basshylyǵynyń aitýynsha, kásiporyn jylyna 2 mln tonna tsement shyǵarýǵa qaýqarly. Jáne bul mejeni qazirden oryndaýǵa kirisip ketken.
Iske qosylǵan eki aidyń ishinde zaýyt 50 myń tonna ónim óndirgen eken.
Indýstriialandyrý kartasy aiasynda iske qosylǵan jobalardyń biri – Bulandy aýdanyndaǵy qus fabrikasy. Qazir munda 1 myń adam eńbek etedi. Jylyna 50 myń tonna taýyq eti ónimderin shyǵaratyn óndiris oshaǵy osy saladaǵy elimizdiń eń iri nysan atanýdy josparlap otyr. Qus fabrikasynyń nysandary Makinka qalasynyń mańaiynan salynyp jatyr.
Fabrika direktory Aleksei Shevchenkonyń aitýynsha, jobanyń quny – 160 mln dollar. «Alyp keshenniń quramynda inkýbatordan bastap qus ósiretin nysandar, jem daiyndaityn jáne qaldyqsyz et óńdeý tsehtary men soiý alańdary bolady. Fabrikanyń alǵashqy kezeńi kelesi jyldyń kúzinde iske qosylady. Al qalǵandarynyń qurylysy 2019 jyly bitedi», – deidi ol.
Stepnogorsk qalasynyń mańyndaǵy «Qazaqaltyn» kásipornyna tiesili 3 birdei ken óńdeý fabrikasy da aimaqtyń irgeli óndiris nysandaryna ainalǵaly tur. Jylyna bas-aiaǵy 7 mln tonna kendi óńdei alatyn óndiris oshaqtary iske qosylsa, 700-den astam adam jumyspen qamtylatyn bolady.
Aqsý kentiniń janyndaǵy osyndai fabrikalardyń biriniń qazir qurylysy aiaqtalýǵa jaqyn. Jospar boiynsha Elbasynyń qatysýymen ótetin telekópir barysynda saltanatty túrde ashylmaq.
Kásiporyn basshylarynyń aitýynsha, fabrikanyń ereksheligi sol – ol «Qazaqaltynnyń» qaldyqtaryn kádege jaratady. Iaǵni sodan dore quimasyn alady.
Al buryn qandai edi? Buryn tehnologiia joq-tyn. Sonyń saldarynan ken tolyqtai óńdelmeitin. Al jańa qondyrǵylar buǵan keńinen múmkindik beredi.
Taǵy bir jaqsy jańalyq. Aqmola óńirinde 2016 jyldan beri kádimgi liftter men eskalatorlar da shyǵarylyp jatyr. Bulardy qurastyratyn zaýyt Astananyń dál janyndaǵy Qosshy aýylynda ornalasqan. Bul nysan da – iri kásiporyndardyń ókshesin basyp kele jatqan irgeli óndiris oshaǵy. Jylyna 1 myń dana lift shyǵaratyn múmkindigi eken.
Taqyrypqa tuzdyq:
Aqmola oblysyna ótken 9 aida 175 mlrd teńge investitsiia tartylǵan. Salystyra alǵanda bul kórsetkish byltyrǵy jylǵa qaraǵanda 4,7 paiyzǵa artyq eken.
2017 aimaq diqandary 5,1 mln tonna astyq jinaǵan. Joǵary sapaly astyqtyń tórtten bir paiyzy eksportqa jóneltiledi.
Aqmola oblysynyń ákimi Málik Myrzalinnyń atap ótkenindei, sońǵy jyldary óńirde óndiristi damytý, aýylsharýashylyǵynda ǵylymdy paidalaný, kooperativter qurý, eldi-mekenderdi jandandyrýǵa baǵyttalǵan jobalar kezeń-kezeńimen júzege asyrylyp jatyr. «Iá, dál solai. Aqmola agrarly óńir, bilesizder. Biraq diversifikatsiianyń nátijesinde indýstrialdy-agrarlyq óńirge ainalyp kele jatyrmyn. Jalpy aitqanda ónerkásip salasynda óndirilgen jalpy ónim kólemi 25 paiyzǵa, al aýylsharýashylyǵyda 15 paiyzǵa jetti. Indýstriialandyrý baǵdarlamasynyń aiasynda altyn óndirý 4 esege ulǵaiyp, respýblikalyq kórsetkishtiń 34 paiyzyn qurap otyr. Oblysta TMD elder ishindegi jalǵyz temir jolǵa qajetti qosalqy bólshekter shyǵaratyn óndiris orny jumys isteidi. Munda ishki naryqtan bólek ónimniń 80 paiyzy Reseige eksporttalady», – dedi óz sózinde óńir basshysy.
Oblys basqa da kórsetkishter boiynsha jaqsy nátijelerge qol jetkizgen. Buǵan dálel azyq-túlik óndirisi 17 paiyzǵa ósken.
Aita ketsek, budan buryn Elbasy «Astana qalasynyń azyq-túlik beldeýin odan ári damytý» tapsyrma bergen bolady.
