Qazaqstannyń arnaiy ekonomikalyq aimaqtary tanystyryldy
Halyqaralyq deńgeide uiymdastyrylǵan sharaǵa elimizdegi iri-iri degen ulttyq kompaniia ókilderi, otandyq kásipkerlermen qatar, sheteldik investorlar da qatysty.
Aita ketý kerek, búgingi tańda Qazaqstanda 11 ekonomikalyq aimaq bar. Sonyń ishinde Qaraǵandydaǵy arnaiy ekonomikalyq aimaq metallýrgiia jáne mashina qurylysyna mamandandyrylǵan.
Qazirgi kezde «Saryarqa» indýstrialdy aimaǵynda otqa tózimdi buiymdar, sharly krandar men eski kólikterdiń qaldyqtarynan quryshtar óndiriledi. Bolashaqta bul aimaqta taǵy 6 jobany júzege asyrý josparlanyp otyr.
Forýmda sóz sóilegen Qaraǵandy oblysy ákiminiń orynbasary Almaz Aidarovtyń aitýynsha , óńirde investorlarǵa barynshy tiimdi jaǵdai jasalǵan.
«Indýstriialdyq alań shikizat alynatyn oryndarǵa jaqyn ornalasqandyǵymen qosa, arzan elektr qýatyn alýǵa da múmkindik bar. Qazir bizdiń ár investorǵa 50 megavatt kóleminde elektr qýatyn berýge qaýqarymyz jetedi», – dedi osy rette Almaz Aidarov.
Al osy forýmǵa sonaý Japon jerinen kelgen kásipker Miki Vadzima sońǵy jyldary Qazaqstan men Japoniia arasyndaǵy saýda investitsiiasyn 9 esege arttyrǵanyn tilge tiek etti.
«Bul – óte jaqsy kórsetkish. Degenmen, iri investitsiialyq jobalardy ulǵaitý baǵytynda áli de jumys jasaý kerek. Ekologiia men sý tehnologiialaryn damytý joldaryn qarastyratyn investitsiialyq jobalardy usynyp otyrmyz», – deidi ol.
