Indýstrialdy-innovatsiialyq damý baǵdarlamasy qolǵa alynǵan kúnnen beri jergilikti bilik oryndary men kásiporyndar shikizatty óńdep, joǵary básekege qabiletti ónimder shyǵarýdyń ozyq ádister men tehnologiialaryn engizip, zamanaýi indýstriialyq júie qalyptastyrýǵa kúsh salyndy.
Qaraǵandy oblysynda dástúrli salalarmen qatar mashina jasaý, metall óńdeý, himiia jáne farmatsevtika ónerkásibi, metall emes qurylys materialdaryn shyǵarý isine de airyqsha kóńil bóldi.
Sonymen qatar Indýstrialandyrý kartasyn júzege asyrýda Qaraǵandy oblysyna tán kómir ónerkásibi, qara jáne tústi metallýrgiia, ken óndirý, metall óńdeý salalaryna da umyt qalǵan joq. Qaita bul salalar jańǵyryp, jańasha túledi desek bolady.
Qaraǵandy oblysynda joǵaryda atalǵan bazalyq ónerkásip salalaryn damytý Tujyrymdamasy daiyndalyp, Indýstrialandyrý kartasyna júzege asyrýǵa oblys erekshe qarqynmen kirisken bolatyn. Júieli jumystardyń nátijesinde 2015 jyldyń ózinde, aimaqtyń ishki ónimniń ósim 32 paiyzǵa, al bazalyq salalardaǵy eńbek ónimdiligi 111 paiyzǵa artqany baiqaldy.
Sondai-aq, Indýstrialandyrý kartasynyń aiasyna óńirdegi kásiporyndardyń importtyq úlesin 55 paiyzdan 35 paiyzǵa, oblystyń energiia shyǵynyn 10 paiyzǵa tómendetse, innovatsiialyq ekonomikanyń úlesi 6 dan 10 paiyzǵa deiin artty. Indýstrialandyrý kartasy arqyly 104 indýstrialdy jobalardy júzege asa bastady.
Osy rette óńirdegi bazalyq salalardy damytý Tujyrymdamasy biznes qurylym ókilderimen jáne damý institýttarymen birlese jasalǵanyn aita ketýimiz kerek. Osynyń nátijesinde investitsiialyq jobalardy damytý men oblys infraqurylymyn jaqsartý jáne resýrstyq áleýetin arttyrýǵa baǵyttalǵan bailanystyń jandanýyn qamtamasyz etti.
Aitalyq, Tujyrymdama sheńberinde mashina jasaý boiynsha master-jospar jasalynǵanyn aitýǵa bolady. Ónerkásiptiń osy salasyn qaita qalpyna keltirý, onyń ónimder úlesin tehnologiialyq negizde jańartý, eńbek ónimdiligin arttyrý mańyzdy mindetke ainaldy.
2015 jyldyń ózinde qolǵa alynǵan jumystardyń arqasynda mashina jasaý salasy boiynsha qosymsha qunnyń deńgeii 78 paiyzǵa kóbeidi. Mashina jasaý salasynda jumys isteitin árbir adam úshin eńbek ónimdiligi 59 paiyzǵa joǵarlady.
Master-jospardy naqty júzege asyrý úshin óńirdegi mashina jasaý zaýyttary, aimaqtyq ǵylymi mekemeler men Qaraǵandy mashina jasaý konsortsiýmy biriktirildi.
Polsha mashina jasaý salasynyń ókili «Glinik» firmasymen birigip «Arselor Mittal Temirtaý» kompaniiasynyń kómir shahtalar úshin modernizatsiialanǵan krepter shyǵarýdy jolǵa qoiǵanyn da aita ketýimiz kerek. Atalǵan jabdyqtardy óndirýde Qaraǵandy mashina jasaý zaýyttarynyń qatysý úlesi 50 paiyzdan kem bolmady. Birlesken mashina jasaý zaýyty ken-shahtalyq jáne metallýrgiialyq qural-jabdyqtardy daiyndaý jáne jóndeý, mashina jasaý óndirisiniń tolyq tsiklin qurdy.
Qaraǵandy mashina jasaý konsortsiýmy kóterý kólik quraldaryn, onyń ishińde júk liftilerin, energetikalyq jáne kóliktik qural-jabdyqtardy, sondai-aq balama jylý berý agregattardy shyǵara bastady.
Bolashaqqa baǵyttalǵan jobalar osylaisha elimizdegi halyq tutynatyn ónimderdiń kólemin ulǵaita tústi. Osylaisha Indýstrialdy-innovatsiialyq damý baǵdarlamasy Qaraǵanydy oblysy ekonomikasynyń tynysyn ashyp, jańa kezeńge aiaq basýyna yqpal etti.
Qýanysh SMAǴUL
