Iasaýi mýzeii týrister jii keletin ornyn
Qoja Ahmet Iasaýi mýzeii Túrkistannyń eń mańyzdy ári týrister jii keletin ornyna ainalmaq. Álemdik deńgeidegi rýhani ortalyqqa jetkizý úshin mádeni oshaqtyń tujyrymdamasyn jasaýǵa túrkistandyq belgili ǵalymdar men iasaýitanýshylar atsalysýda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Mýzeidiń qurylysy men damý baǵyty oblys ákimi Ómirzaq Shókeevtiń tikelei baqylaýynda. Rýhani ortalyqtyń basty baǵyty – uly tulǵanyń tarihi bolmysyn, ómiri men ilimin jahanǵa tanytyp, Iasaýi jolyn dáriptep, ósietterin pash etý.
Mádeni oshaqta bolǵan oblys ákimi joba jetekshilerine birqatar mindetter júktedi. Uly oishyldyń el rýhaniiatyndaǵy ornyn aiqyndaityn mýzeidi biregei jobaǵa ainaldyrý joldaryn kórsetip, oi qosty.
Bala Ahmettiń basty ustazy, tárbieshisi bolǵan Arystanbabtyń ómir jolymen bailanystyryla otyryp, shyn bolmysyn ashyp, halyqty rýhani serpiltetin, tarihi tanymyn oiatatyn ortalyq bolýy kerektigin jetkizdi.
Mýzei ǵulamanyń ilimine sapar shegip, kúlli shyǵys musylmandarynyń rýhani ustazy bolǵan dini qairatkerdiń eńbekterin dáripteitin mádeni oshaq bolmaq. Túrki tilinde maǵynasy tereń jyr jazýdyń úlgisin jasap, ilimin urpaqqa qaldyrǵan oishyldyń eńbekteri dáriptelgen ortalyqta qundy jádigerler jinaqtalǵan.
Shejireli shaharda týrizm salasy tarihi-tanymdyq, emdik-saýyqtyrý jáne ekologiialyq týrizm bolyp, 3 baǵytta qarqyndy damyp keledi. Solardyń biri – ótken jyldyń sońynda irgetasy qalanǵan «Qylýet» rýhani ortalyǵy bolmaq. Oblys basshysy qurylys alańynda bolǵan ortalyq kásipkerlerdiń jáne jalpy halyqtyń qarjylai qoldaýymen salynady. El rýhaniiatyna oń serpin beretin ortalyqtyń qurylysyna elimiz ben túrki álemine tanymal kásipkerler demeýshilik jasaýda. Biyl el igiligine beriledi. Jer asty meshitiniń qasynan qarilar men bolashaq din ǵulamalaryn daiarlaityn medrese salynyp jatyr.
