Almatyda jol qozǵalysyn rettep turǵan politseidi kólik qaǵyp ketken. Kóp jaraqat alǵan tártip saqshysy qazir aýrýhanada jatyr, dep habarlaidy Dalanews.kz "KTK" telearnasyna siltep.
Oqiǵa keshe saǵat úsh shamasynda Jeltoqsan men Sátbaev kóshesiniń qiylysynda bolǵan. Toyota markaly kólikti tizgindegen er adam kenet ortada jol qozǵalysyn qolmen rettep turǵan politsiia qyzmetkerin qaǵyp ótken.
Kósheni qaq jaryp ótpek bolǵan júrgizýshiniń áreketi beinebaqylaý kamerasyna túsip qalǵan. Bul oqiǵaǵa qatysty tergeý júrgizilip jatyr.
