الماتىدا جول قوزعالىسىن رەتتەپ تۇرعان پوليسەيدى كولىك قاعىپ كەتكەن. كوپ جاراقات العان ءتارتىپ ساقشىسى ءقازىر اۋرۋحانادا جاتىر، دەپ حابارلايدى Dalanews.kz "كتك" تەلەارناسىنا سىلتەپ.
وقيعا كەشە ساعات ءۇش شاماسىندا جەلتوقسان مەن ساتبايەۆ كوشەسىنىڭ قيىلىسىندا بولعان. Toyota ماركالى كولىكتى تىزگىندەگەن ەر ادام كەنەت ورتادا جول قوزعالىسىن قولمەن رەتتەپ تۇرعان پوليسيا قىزمەتكەرىن قاعىپ وتكەن.
كوشەنى قاق جارىپ وتپەك بولعان جۇرگىزۋشىنىڭ ارەكەتى بەينەباقىلاۋ كامەراسىنا ءتۇسىپ قالعان. بۇل وقيعاعا قاتىستى تەرگەۋ جۇرگىزىلىپ جاتىر.
