Memleket basshysynyń Ókimimen Turǵymbaev Erlan Zamanbekuly Qazaqstan Respýblikasy Prezidentiniń keńesshisi qyzmetine taǵaiyndaldy, dep habarlaidy Dalanews.kz.
Ol 2019 jylǵy aqpannan bastap qazirgi ýaqytqa deiin – Qazaqstan Respýblikasynyń Ishki ister ministri qyzmetin atqardy.
Turǵymbaevtyń otstavkasy týraly habar qańtar oqiǵasy boiynsha ustalǵandardyń azaptalǵany týraly shaǵymdar kóbeiip, UQK-nyń burynǵy tóraǵasy Kárim Másimov pen onyń birneshe orynbasary, buǵan qosa burynǵy qorǵanys ministri Murat Bektanov qamalǵan tusta tarady.
Qańtar oqiǵasynan keiin tergeý izoliatorlaryndaǵy azaptaýlar jaily kóp shaǵym tústi. IIM politsiianyń ustalǵandardy azaptaǵany týraly aqparatty joqqa shyǵarǵan.
Ótken aptada Turǵymbaevtyń otstavkasyn talap etkenpetitsiiaǵa myńdaǵan adam qol qoiǵan.
Petitsiia avtorlary qamaýdaǵy azaptaýlar týraly shaǵymdardyń kóptigin alǵa tartyp, qańtar oqiǵasyn jan-jaqty zertteýge shaqyrǵan.
Olar Almatydaǵy alańda 6 qańtarda beibit narazylarǵa oq atqandardy da jaýapqa tartýdy talap etken.
Qańtar oqiǵasy kezinde qazaqstandyq politseiler qyzmet ornyn tastap ketkeni úshin de aiyptaldy. Bas prokýratýra málimdemesinde "Almaty jáne Jambyl oblystarynda [politsiia] qyzmetkerleri qarsylyq kórsetpesten memleket múddesi men qoǵam qaýipsizdigine qaishy áreket etip, qarý-jaraq pen oq-dári bar politsiia departamenti ǵimaratyn tastap ketti" dep jazylǵan. Sonyń nátijesinde vedomstvo málimetinshe, 1,5 myńnan astam qarý-jaraq joǵalǵan.
I jáne II dárejeli «Dańq» ordeniniń tolyq kavaleri, II dárejeli «Aibyn» ordenimen, I dárejeli «Qaisar» belgisimen, «Eýraziialyq ekonomikalyq odaqtyń damýyna qosqan úlesi úshin» medalimen, mereitoilyq jáne vedomstvolyq medaldarmen nagrattalǵan.
