QazUÝ ótken jylmen salystyrǵanda «Óner jáne gýmanitarlyq ǵylymdar» páni boiynsha óz kórsetkishterin 277-den 156-shy orynǵa, «Áleýmettik ǵylymdar jáne menedjment» páni boiynsha 351-den 257-shi orynǵa kóterip, oń nátijege qol jetkizdi.
QazUÝ «Qazirgi til bilimi» mamandyǵy boiynsha da úzdikter qatarynan tabylyp, álemniń úzdik JOO arasynda 52-shi orynǵa ie boldy. Ýniversitet kelesi mamandyqtar boiynsha: «Aǵylshyn tili men ádebietinen» – 101-150, «Lingvistika» jáne «Quqyqtanýdan» – 151-200 úzdik toptaryna, «Ekonomika jáne ekonometrikadan» – 251-300 , «Matematikadan» – 301-350 jáne «Fizika jáne astronomiiadan» – 501-550 aldyńǵy toptaryna endi.
Bul reitingke birqatar mamandyqtar alǵashqy ret qatysyp, birden úzdik atandy. Máselen, «Tarih» mamandyǵy 151-200, «Biznes jáne menedjment» – 401-450, «Kompiýterlik ǵylymdar jáne aqparattyq júieleri» – 501-550, «Himiia» mamandyǵy – 551-600 aldyńǵy toptaryna kirdi.
QS World University Ranking by Subject reitinginiń ádistemesi tórt negizgi kórsetkishke negizdelgen: akademiialyq bedel, jumys berýshiler arasyndaǵy bedel, ǵylymi maqalalarǵa silteme jáne Hirsh indeksi. Pándik reiting 95 myńnan astam akademiialyq sarapshylardyń, 45 myńdai jumys berýshi sarapshylardyń pikirlerin eskere otyryp, sondai-aq «Scopus» málimetter bazasynan alynǵan aqparattar negizinde jasaldy.
Ál-Farabi atyndaǵy QazUÝ ulttyq pándik reitingterde de joǵaryda kórsetilgen oqý baǵdarlamalary boiynsha qazaqstandyq ýniversitetter arasynda jetekshi oryn alady. QazUÝ halyqaralyq deńgeidegi ǵylymi-zertteý ýniversitetine ainala otyryp, álemdik ýniversitetterdiń institýtsionaldyq reitinginde de jáne pándik reitingte de tabysqa jetip, únemi alǵa jyljyp keledi. Sonymen, 2020 jyly QS World University Ranking álemdik reitinginiń nátijeleri boiynsha jetekshi qazaqstandyq ýniversitet (QazUÝ) álemdegi eń úzdik ýniversitetter tiziminde 165 orynǵa ie boldy. Bul topta TMD elderinen tek Lomonosov atyndaǵy Máskeý memlekettik ýniversiteti jáne ál-Farabi atyndaǵy QazUÝ ǵana bar.
