Álıhan Bókeıhanov atyndaǵy orta mektep oqýshylaryn qushaq jaıa qarsy aldy, bilim oshaǵynda ınteraktıv synyptar men qolaıly jaǵdaı jasalǵan.

Almaty oblysyndaǵy Esik qalasynda qazaq tildi jańa mektep ashyldy. Jańa mekteptiń maqsaty – oqýshylarǵa qolaıly jaǵdaıda bilim alýdy qamtamasyz etý. Buǵan deıin jergilikti mektepterde oqýshy lyqa toly bolyp, balalar mektepke avtobýs arqyly alystan qatynaýǵa májbúr boldy.

Ashylý saltanatyna ForteBank, Bolat Ótemuratov qory men "Vernyı Kapıtal" kompanıalar tobynyń ókilderi, Almaty oblysynyń ákimi Marat Sultanǵazıev pen Ǵylym jáne joǵary bilim mınıstri Saıasat Nurbek qatysty. Sonymen qatar, alǵashqy saltanatty jıynǵa 139 birinshi synyp oqýshysy men 30 bolashaq túlek qatysty.

«Búgin Almaty oblysynda 3 jańa mektep, onyń ishinde «Jaıly mektep» jobasy boıynsha salynǵan mektepter ashyldy. Óńirimizde eki jańa mektep jeke qaıyrymdylyq jasaýshylardyń kómegimen salynǵanyn erekshe atap ótkim keledi. Mektep tapshy bolǵan Eńbekshiqazaq aýdanynda bilim oshaǵyn salyp bergen «Vernyı kapıtal» jáne Bolat Ótemuratov qoryna alǵys aıtamyn», - deıdi Almaty oblysynyń ákimi Marat Sultanǵazıev.  

Bilim berýdegi jańa standart

Esiktegi jańa mektep – jaı ǵana bilim ordasy emes. Sonymen qatar, zamanaýı úlgidegi tehnıkamen jabdyqtalǵan tolyqqandy bilim berý kesheni. 900 oqýshyǵa arnalǵan mektep úsh jeke blokqa bólingen: nólinshi synyp, bastaýysh, orta jáne joǵary synyptar. Oqýshylardy osylaı bólý arqyly ártúrli jastaǵy balalarǵa – kishkentaı baladan jasóspirimderge deıin qolaıly jaǵdaı jasalady.

Synyptar ınteraktıv jáne marker taqtamen jabdyqtalǵan, bul oqý prosesin paıdaly etip qana qoımaı, qyzyq ári tıimdi ótýine septigin tıgizedi. Informatıka, hımıa, fızıka, robototehnıka jáne tehnologıa sabaqtaryna arnalǵan synyptar arnaıy quraldarmen jabdyqtalǵan. Robototehnıka synybyna erekshe mán berildi, sebebi qazaqstandyq oqýshylar keıingi jyldary osy salada halyqaralyq olımpıadada úlken jetistikterge jetti. Robototehnıka úshinshi synyptan bastap engizilgen, al ınformatıka birinshi synyptan bastap oqytylady, sebebi ol balanyń tehnıkalyq daǵdysyn damytady.

Mekteptiń ereksheligi – arhıtektýrasy men zamanaýı tehnologıalardyń qoldanylýynda: energıany únemdeıtin materıaldar, jeldetý, jylytý júıesi jáne Face ID kómegimen kirýdi basqarý júıesi qosylǵan. Árbir oqýshynyń jeke shekarasynyń qaýipsizdigin qamtamasyz etetin kiltpen jabylatyn jeke shkafy bar.

Oqýshylar fızıkalyq turǵyda damýy úshin mektepte sportqa arnalǵan múmkindikter óte kóp: sport jáne horeografıa zaly, ústel tenısine arnalǵan 6 ústel, úlken stadıon men sportqa qajet barlyq qural – gımnastıkaǵa arnalǵan tósenishten bastap shańǵyǵa deıin saqtalǵan qoıma da bar. Sport zaldarynda kıim aýystyrýǵa arnalǵan keń bólmeler, qyzdar men uldarǵa arnalǵan jýyný bólmeleri bar.

Mesenattardyń qatysy

Esiktegi jańa mektep jeke kásip pen mesenattardyń belsendi qoldaýymen salyndy. Jobany Bolat Ótemuratov Qorynyń kómegimen "Vernyı Kapıtal" kompanıalar tobyna kiretin "ForteBank" AQ tolyq qarjylandyrdy. Qurylysqa jalpy 8,1 mıllıard teńge jumsaldy. Qurylys aıaqtalǵannan keıin mektep óteýsiz negizde Almaty oblysynyń balansyna tolyǵymen ótti.

«1 qyrkúıekte jańa mektepterdiń ashylýy biz úshin jaqsy dástúrge aınaldy. Byltyr Qosshydaǵy mektepti ashtyq, al búgingi kúni Esik pen Shelektegi mekteptiń ashylýyndamyz. Bul joba aımaqtaǵy bilim berý salasynyń damýyna úles qosatynyna jáne úsh aýysymdy mektep máselesin sheshetinine senemiz. Bilim ordasynan Qazaqstannyń damýyna úles qosatyn bolashaq kóshbasshylar shyǵady dep úmittenemiz», - deıdi «Vernyı kapıtal» kompanıalar tobynyń dırektory Aıdan Aqanov.  

Jeke sektordyń qoldaýy bul jobany iske asyrýda óte mańyzdy bolǵan.

«Bilim alýdyń qoljetimdi bolýy – áleýmettik mańyzy bar másele, ony halyq sanynyń ósýi aıasynda sheshý qajet. Esik qalasynyń balalary bıylǵy oqý jylyn qolaıly bilim alý úshin barlyq qajet quralmen jabdyqtalǵan jańa mektepte bastaıtynyna qýanyshtymyz. Bul mektepti salý arqyly jáne bizdiń óskeleń urpaqtyń ıntellektýaldy damýyna  múmkindik jasaý arqyly balalarymyzdyń, Qazaqstannyń bolashaǵynyń damýyna úles qosamyz dep senemiz», - deıdi «ForteBank» AQ basqarma tóraǵasy Bekjan Pirmatov.

Ár otbasy úshin baqyt

Esikte jańa mekteptiń ashylýy arqyly kóptegen másele sheshildi. Eń aldymen ol úsh aýysymdy mektep máselesin sheshti. Mundaı oqý prosesi tek oqýshylarǵa qıyndyq týdyryp qana qoımaı, balalarynyń qaýipsizdigi men bilim sapasyn alańdaǵan ata-analar úshin de ońaıǵa soqpady. Sebebi balalar kesh ýaqytta birneshe shaqyrym jerden qaıtýǵa májbúr bolǵan.

Mektep dırektory Janat Nurambetovtiń sózinshe, jańa mekteptiń ashylýy jaǵdaıdy aıtarlyqtaı jaqsartýǵa septigin tıgizgen: «Endi oqýshylar alys jerden kelmeı-aq eki aýysymda oqı alady. Bul, ásirese, kópbalaly otbasylarǵa tıimdi, sebebi endi ata-analar balalarynyń mektepke baryp-kelýin alańdamaıdy».

Jańa mektep salynǵanǵa deıin Esiktiń kóptegen oqýshysy men shet aýyldaǵy balalar basqa mektepterge barýǵa májbúr bolǵan. Onyń saldarynan jol uzaqqa sozylyp, balalar túrli aýa raıynda avtobýs kútýge májbúr bolyp, sabaqqa da keshigip qalatyn. Jańa mektep salý arqyly bul másele sheshilip, balalar úıiniń qasynda, jaıly mektepte bilim alýǵa múmkindik aldy.

Úshinshi synyp oqýshysy Sultannyń anasy Álıa Ǵanıeva olardyń otbasy jańa mektep ashylǵanǵa deıin qandaı qıyndyqqa tap bolǵanyn aıtty: «Buryn ulymyz mektepke keıde keshigip, keıde tipti kelmeı qoıatyn avtobýspen barýǵa májbúr boldy. Qysta jaǵdaı tipti qıyn bolatyn, Sultan úıge tumaýratyp keletin. Keıde sabaqtan qalýǵa májbúr bolyp, saldarynan oqý úlgerimi de nasharlaı bastady. Jańa mektepti 20 jyl kúttik jáne úmitimiz aqtaldy!».

«Jańa mektep – tamasha! Qolaıly bolǵany sonshalyq úıińe qaıtqyń kelmeıdi. Buǵan deıin armandaǵan nársemizdiń bári bar: sport zaldary, úıirmeler, zamanaýı kabınetter. Eski mektepte úsh aýysymda oqýǵa májbúr boldyq, ol óte yńǵaısyz edi jáne sport ne shyǵarmashylyqpen aınalysýǵa múmkindik bolmady», - deıdi 10-synyp oqýshysy Janna.

Jańa mektepte oqýshylar birkelki bólingen, al bul aımaqtaǵy qoldanystaǵy bilim berý mekemelerine júktemeni azaıtady. Sonyń arqasynda balalar jaıly ári yńǵaıly jaǵdaıda bilim alyp, olardyń oqý úlgerimi men jalpy damýy joǵarylaıdy.

Kópbalaly ana Jadyra Sherbaeva tórt bala tárbıelep otyr, ol mekteptiń ashylýyna erekshe alǵysyn bildirdi: «Bizdiń saıajaılar men aýyldyq okrýgterde kópbalaly, 4-5 oqýshysy bar otbasylar kóp. Buǵan deıin balalarymyz úsh aýysymda tar, tipti parta jetpeıtin synyptarda oqydy.  Úlken balalarym bul mektepte oqyp úlgermedi, qazir olar stýdent. Biraq kishkentaı balalarym endi jaqsy mektepte oqıdy jáne bul bizdiń otbasymyz úshin úlken qýanysh.

Mektepke alǵash kirgenimde tańǵaldym. Bári zamanaýı ári yńǵaıly jasalǵandyqtan fılmderdegi eýropalyq mektepte júrmin dep oılap qalasyń. Keń korıdor, ashyq synyptar, bári qajet quralmen jabdyqtalǵan. Sport jáne bı zaldary tańǵaldyrdy, ártúrli úıirmege tegin qatysý múmkindigi de bar.

Ulym 8-synypta oqıdy, sportqa qyzyǵady jáne buryn jattyǵýǵa qalanyń ortalyǵyna barýǵa májbúr edi, úıge keshki 10-dar shamasynda biraq keletin. Endi mektepke bes mınýtta jetip alady jáne men eshnársege alańdamasam da bolady!».

Ata-analar men balalar osyndaı jaǵdaı jasalǵan mektepte balalar jetistikke jetip, Qazaqstandy halyqaralyq deńgeıde damytady dep senedi.