«Úzdik tájiribeler ortalyǵynyń» eń basty ereksheligi qoǵamǵa, adamǵa beiimdelgen bastapqy meditsinalyq-sanitarlyq kómekti júzege asyrý,- deidi mekemeniń bas dárigeri Janar Ospanova.
«Bizdiń basty maqsatymyz bastapqy kómekti halyqqa qoljetimdi jáne sapaly etý. Soǵan bailanysty biz úsh printsipti qoldandyq. Birinshisi, emhanada kezek kúttirmei meditsinalyq qyzmet alý, ol úshin búkil qyzmetterdi elektrondy densaýlyq saqtaý júiesine 100% ótkizip, naýqastar úide otyryp dárigerdiń qaralýyna jazyla alady. Odan bólek QR kodtar arqyly jazyla alady. Osy arqyly biz aýrýhanaǵa keletin naýqastardyń saǵattap kezekke kútýin joidyq. Eń bastysy osy elektrondy júie arqyly turmystyq sybailas jemqorlyq joiyldy», – dep túsindirdi aýdandyq aýrýhananyń bas dárigeri Janar Myqtybekqyzy.
Emhanadaǵy taǵy bir erekshelik, keletin barlyq naýqastardyń baǵytyn anyqtaý. Iaǵni, saý naýqastardy aýrý naýqastardan ajyratý. Deni saý, skrining-profosmotrǵa keletin naýqastardy jasyl aimaqqa qarai, al konsýltatsiialyq, diagnostikalyq em alýǵa kelgen naýqastardy sol jaqqa, sary aimaqqa baǵyttalǵan. Jeke jedel meditsinalyq kómekti qajet etetin naýqastardy qyzyl aimaqqa ornalastyryp, 10 minýtqa deiin medkómek kórsetilip, naýqastardyń ómirine tónip turǵan ólim qaýpin azaityp, jaǵdaiyn turaqtandyryp, reanimatsiia bólimine jatqyzady.
Eskere ketetin taǵy bir jait, jańa joba júzege asa bastaǵannan keiin Merki aýdanynda alǵashqy mediko-sanitarlyq kómekke túsetin shaǵymdar 80% azaiǵan.
Aýrýhanaǵa kelgen naýqasty ár jerge jiberip, kúttirip júrmeitindei, suraǵyn sheship ketýge tolyq jaǵdailar jasalǵan.
Oblysta «Premy Health Care» ulttyq assotsiatsiiasymen birge alǵashqa meditsinalyq kómek kórsetetin uiymdarǵa jańa tehnologiialardy engizý boiynsha jumystar júrgizilgen. Jańa tehnologiialar áleýmettik intergatsiialanǵan túrde adamdarǵa, turǵyndarǵa kómek kórsetýge baǵyttalǵan. Onyń basty ereksheligi emdeý mekemelerindegi jumys áleýmettik salalarmen tyǵyz bailanysty. «Úzdik tájiriler ortalyǵyna» qundy apparatty ornatý arqyly adam aǵzasyndaǵy sý, belok, mai, salmaq syndy barlyǵy jiyrmadan astam túrin anyqtaýǵa múmkindik berilgen.
«Aýrý qaidan paida bolady? Barlyq másele otbasynda. Adamdar durys tamaqtanbaidy, áleýmettik jaǵdaiy qalai, otaǵasy ishimdik ishýi múmkin, otbasyndaǵy psihikalyq jaǵdai nashar bolýy múmkin degendei. Sondyqtan, árbir ýchaskedegi áleýmettik qyzmetker aýyryp kelgen otbasyǵa arnaiy portret jasaidy, ol jerde qandai problema bar, aýrýdyń qaidan shyqqany, sebebi degen siiaqty túrli máseleler qarastyrylyp, baǵalanady. Sosyn sol áleýmettik máseleler arqyly, ákimdik arqyly kómek kórsetý nemese otbasyndaǵy adamdarmen, ata-anasymen jumys jasaý degen siiaqty jumystar atqarylady. Áleýmettik qyzmetkerler degenimiz arnaiy daiyndyqtan ótken mamandar. Olardyń basty maqsaty óz ýchaskesindegi árbir otbasynyń áleýmettik jaǵdaiyn baǵalaý. Mysaly, ákesi men anasy jumyssyz bolsa, ákimdikke shyǵyp, jumys taýyp berýge, AÁK taǵaiyndaýǵa, óziniń zańdyq quqyǵyn bilmeitin turǵyndarǵa túsindirý jumysyn júrgizýdi júzege asyrady. Osy jańa jobany qosymsha taǵy tórt aýdanda júzege asyrǵaly jatyrmyz. Qordai, Rysqulov, Talas aýdandary jáne Shý qalalyq emhanasynda. Bizge basty qoldaý kórsetip otyrǵan «Premy Health Care» ulttyq assotsiatsiiasy. Olar bizge naqty mamandardy berip, qalai uiymdastyrý kerek, qyzmetkerlerdiń biliktiligin arttyrý, olardy oqytý, adami kapitalǵa investitsiia jasaý syndy úlken máselelerdi birlese sheship jatyrmyz», -dedi Jambyl oblysy Densaýlyq saqtaý basqarmasynyń basshysy Áset Qaliev.
Mekemede arnaiy jastar ortalyǵy da ashylǵan. Oǵan 14 pen 29 jas aralyǵyndaǵy kez kelgen jastar qatysa alady. Sportpen shuǵyldanyp, psihologtyń kómegin tegin alyp qana qoimai, spirttik ishimdikterdiń ziiany, durys tamaqtaný syndy kóptegen keńes-maǵulmattardy da tyńdai alady. Mamandardyń sózinshe, ortalyq ashylǵaly úsh myńǵa jýyq adam kelip, qajetti kómegin alǵan.
