Endi Qazaqstan Respýblikasynyń aýmaǵyna elektr kólikterin, elektr avtobýstardy nemese elektr júk mashinalaryn ákelý kezinde kólik quraly úshin kádege jaratý tólemi talap etilmeidi.
Bul bastamany ÓKM Operatory 2020 jyly usynǵan bolatyn. Osy másele jan-jaqty pysyqtalyp, talqydan ótkennen keiin QR ekologiia, geologiia jáne tabiǵi resýrstar ministri Maǵzum Myrzaǵaliev resmi qujatqa 2021 jyldyń 13 mamyrda qol qoidy.
Esterińizge sala keteiik, buǵan deiin M1 sanatyndaǵy elektr qozǵaltqyshy bar avtomobil úshin kádege jaratý tólemi 437 550 teńgeni, M2, M3 sanaty úshin 1 166 800 teńgeni quraǵan bolatyn. Júk kólik quraldary úshin kádege jaratý tóleminiń mólsheri 1 020 950 teńgeden bastaldy.
Qazaqstan avtomobil biznesi qaýymdastyǵynyń aqparaty boiynsha búgingi kúni elimizde 422 elektr kóligi tirkelgen.
Ekologiia ministrligi bul sharalar Qazaqstanda elektromobil óndirisin yntalandyrýǵa, sondai-aq ekologiialyq taza kólik quraldaryn satyp alýǵa suranysty arttyrýǵa múmkindik beredi dep esepteidi.
Qazirgi ýaqytta ÓKM Operatory elektr qýattaý stansalarynyń infraqurylymyn damytý jónindegi joba sheńberinde Nur-Sultan jáne Almaty qalalarynda, sondai-aq Nur-Sultan-Býrabai baǵytynda 103 jyldam elektr qýattaý stansalaryn ornatýdy aiaqtady.
...
Osynyń aldynda kólik tirkeý kezinde tólenetin ýtilizatsiialyq alymdy alyp tastaýǵa petitsiia jariialanǵan. Azattyq radiosynyń málimetine sai ol aqsha eks-prezident Nazarbaevtyń kishi qyzy Áliia Nazarbaevamen bailanysy bar jeke kompaniiaǵa túsedi.
Qazirgi tańda qazaqstandyqtar ýtilizatsiialyq alymnyń qunyna qarsy petitsiia jariialap, otinish.kz saitynda qol jinap jatyr.
Avtorlary atap ótkendei, Qazaqstanda 5 jyl buryn kólikterge ýtilizatsiialyq alym engizilgen. Onyń mólsheri 400 myń teńgeden bastalyp 6 mln teńgege deiin jetedi.
Mysaly, qozǵaltqysh kólemi 2 myń sm³ bolatyn temir tulpar úshin 1,4 mln teńge tóleýge týra keledi. Al Eýropa elderinde ýtilizatsiialyq alym bizdiń aqshamen 25 myń men 100 myń teńge arasynda bolady.
"Sonyń saldarynan elimizde kóliktiń quny da ósti. Elimizdegi kólikterdiń kóbiniń tozýyna bailanysty atmosferaǵa shyǵatyn ziiandy qaldyqtardyń kólemi de ósýde. Eýraziia ekonomikalyq odaǵynyń basqa elderimen salystyrǵanda, Qazaqstanda kólik baǵasy óte qymbat", – deidi petitsiiany jazǵandar.
Olar memleket basshysynyń avtoqurastyrý óndirisine beriletin memlekettik kómekti qaita qarastyryp, ýtilizatsiialyq alymnyń qunyn Eýropa elderimen teńestirýdi surady.
Eki apta buryn jariialanǵan petitsiiaǵa 40 myńnan astam otandasymyz qol qoiǵan. Áli de qoldai bildirýge ýaqyt bar. Sebebi qol jinaý eki aptadan soń aiaqtalady. Atap ótý kerek, otinish.kz platformasynda bul eń tanymal qujat bolyp sanalady.
Eske sala ketsek, otinish.kz platformasy Qazaqstan Prezidenti Qasym-Jomart Toqaevtyń usynysymen ashylǵan bolatyn.
