Ákim bıyl 11 337 mektep bitirýshi úshin qońyraý soǵylatynyn habarlady. Jas túlektiń 642-si "Altyn belgige", 758-i úzdik atestatqa úmitker ekenin aıtty.
Bıylǵy oqý jyly pandemıaǵa baılanysty tolyǵymen onlaın formatta ótti. Oqýshylardyń 97%-y qashyqtan bilim aldy.
Muǵalimder shydamdylyq tanytyp, ata-analar qoldaý bildirip, al balalar eńbekqorlyǵy men kúsh-jigerin kórsetkeni úshin alǵys aıtamyn, — dep jazdy ákim jáne úılesimdi jumystyń arqasynda balalar oqýda jaqsy nátıje kórsetkenin atap ótti.
Eske salsaq, Almaty komandasy oqýshylar arasyndaǵy jalpy bilim beretin pánder boıynsha jyl saıynǵy respýblıkalyq olımpıada 18 ret jeńiske jetken bolatyn.
Qurmetti túlekter! Jańa ómir álemine nyq senimmen qadam basqaly tursyzdar. Ańsaǵan armandaryń oryndalyp, alǵa qoıǵan maqsattaryńa jetińder! Sizderge zor densaýlyq pen tabys tileımin! Aq jol!, — dep qorytyndylady qala ákimi.
