Búgingi maqalamyz Úrjar balalarǵa arnalǵan arnaiy áleýmettik qyzmet kórsetý ortalyǵynyń arbada otyryp bileýdi úzdik meńgergen qyzmet alýshysy, birneshe jarystardyń jeńimpazy, daryndy, eshkimge uqsamaityn taǵdyr iesi Jýravlev Aleksei týraly bolmaq.
Jaryq dúniege densaýlyǵyndaǵy kináratpen kelgen Aleksei týǵan sátten-aq taǵdyrdyń taýqymetine tap boldy. Syrt kelbetiniń kúrdeli kemistigimen dúniege kelgen sábiden ata-anasy týylǵan sátte bas tartty. Dúniege shyr etip endi kelgen náreste ata-anasynyń qamqorlyǵynsyz qaldy.
5 jasqa deiin Aleksei Óskemen qalasyndaǵy balalar úiinde tárbielendi. 2011 jyldan joǵaryda atalǵan mekemede tárbielenedi. Ortalyqta oǵan áleýmettik-turmystyq, áleýmettik-psihologiialyq, áleýmettik-pedagogikalyq, áleýmettik-mádeni, áleýmettik-eńbektik, áleýmettik-ekonomikalyq, áleýmettik-quqyqtyq qyzmet túrleri tolyǵymen kórsetildi. Sol sátte ol ortalyqtaǵy ata-ana qamqorlyǵynsyz qalǵan bala boldy.
Es kirip ósip kele jatqan balaǵa óziniń dostarynyń kúndelikti úilerine qaityp, demalys kúnderin otbasymen ótkizetini minez-qulqyna áser ete bastady. Alaida, Aleksei taǵdyr taýqymetine qaramastan óz-ózin jeńe bildi, moiymady. Iá, eki aiaqsyz ómir súrý múmkin emestei kórinetinin moiyndaimyz.
Biraq, Aleksei óziniń ójettiligimen arbada otyryp qolynyń kómegimen barlyq nárselerdi ózdiginen oryndýdy úirendi, qazaq tilin erkin meńgerip, «B.Turlyhanov atyndaǵy orta mektebi-baqshasy» KMM-de qazaqsha bilim aldy, qol eńbegimen ainalysyp, án aityp, sahnada óner kórsetýge, arbada otyryp bileýge qyzyǵýshylyǵy artty. Arbada otyryp bidi baǵyndyrýǵa baǵyt berip, sport arbasymen qamtýda demeýshilerdi tartqan Rysqan Jaǵyparqyzynyń jáne bilikti bapkeri Natalia Anistratovanyń jattyqtyrýymen Aleksei arbada otyryp bileýdiń qyr-syryn meńgerip oblystyq, respýblikalyq, halyqaralyq saiystarda óz ónerin kórsete bastady.
2017 jyly Reseidiń Sankt-Peterbýrg qalasynda ótken dástúrli «Qurlyqtar kýbogy» arbadaǵy bi saiysyna Qazaqstan atynan alǵash qatysqan 11 jastaǵy Aleksei el namysyn qorǵap júldeli birinshi oryndy ielendi. 2018 jyly arbada otyryp bileýden Qazaqstan chempionatynda «Single man», «Single freestyle» nominatsiialarynda eki birdei altyn júldege ie boldy.
2018 jyly taǵy da «Qurlyqtar Kýbogynde» jasóspirimder arasynda top jaryp «Single man Junior» kýbogyn jáne «Paralimpiadalyq úmit» kýbogyne ie boldy. 2019 jyly XIV Halyqaralyq «Juldyzai» erekshe qajettilikteri bar balalar shyǵarmashylyǵy festivaline qatysyp júldeli 1 orynnan kórindi.
2019 jyly Sankt-Peterbýrg qalasynda arbadaǵy bi boiynsha ótken dodada Aleksei «Álem kýbogy» men «Qurlyqtar kýbogyn» ielenip Germaniiada ótetin álem chempionatyna joldama alǵan.
Aleksei arbada otyryp bileýden Qurlyqtar kýbogyna qatarynan úsh jyl qatysyp, úsh retinde birinshi oryn alyp, bairaǵymyzdy kókke jelbiretken Shyǵys Qazaqstandyq bishi-sportsmen.
Erekshe taǵdyr iesi Jýravlev Aleksei bizdiń ortalyqtyń ǵana emes, Úrjar aýdanynyń, Qazaqstannyń maqtanyshy. Ortalyqta memleket tarapynan jáne qyzmetkerler tarapynan tiisinshe qamqorlyq kórsetilgenimen, balaǵa ata-ananyń aialy alaqanyna eshteńe jetpeitini anyq edi.
Otbasy – ol balanyń qalypty ómiri men damýy úshin eń jaqsy oryn. Ol – biz jaqsy kóretin, úlgi alatyn, qamqorlyq jasaityn, jaqsylyq tileitin adamdar.
2018 jyly ortalyq mamandarynyń nátijeli izdestirý jumystarynyń arqasynda Alekseidiń ata-anasynyń meken-jaiy tabylyp, eki jaqty bailanys ornatyldy.
Ortalyq direktory jáne tiisti mamandar bastapqy kezde ata-anasymen telefon arqyly bailanysyp, keiin kele betpe – bet kezdesip sóilesip, Alekseidiń otbasymen qaýyshýyna barynsha at salysty, kómektesti. Sonyń arqasynda, Alekseidiń tileýine, qýanyshyna, armanyna orai 2019 jyly aqpan aiynda bala týǵan otbasyna oraldy. Aleksei bul kúndi taǵatsyzdana kútti, qobaljydy. Otbasymen qaýyshý balanyń psihologiiasyna jaqsy áser etti.
Alekseidi sport sheberligine úmitker dárejesine jetkizip, qamqorsyz qalǵan sátte jylýyn berip, jabyqqanda qoldaý kórsetip, erekshe balanyń jan-jaqty damýyna áser etken, jaqsy tárbie-bilim bergen Aijan Amanjolqyzy basshylyq etetin Úrjar balalarǵa arnalǵan arnaiy áleýmettik qyzmet kórsetý ortalyǵy qyzmetkeriniń eńbegi zor.
Aleksei demalys ýaqytynda úiine baryp, qalǵan ýaqytta ortalyqta qyzmet alýyn toqtatpai, mektepte bilim alýyn jalǵastyryp, arbada otyryp bileýden jattyǵýyn shyńdaýda. Búgingi kúni bizdiń ortalyqtyń tárbielenýshisi Aleksei Jýravlev Shemonaiha aýdany Ýst-Talovka kentinde kópbalaly otbasynyń janynda jazǵy demalysyn ótkizýde.
Ortalyq direktory Aijan Amanjolqyzy Alekseidiń biologiialyq otbasymen qaita qaýyshýyna qoldaý kórsetip, Alekseige myqty densaýlyq, otbasylyq baqyt, barlyq qiyndyqtardy ata-anasymen birge jeńýge tilektes boldy. Ujymymyzben Alesha siiaqty ár balanyń óz otbasyna oralýyn tileimiz.
«Úrjar balalarǵa arnalǵan arnaiy áleýmettik
qyzmet kórsetý ortalyǵy» KMM.
