2025 jyldyń basynan beri Kámeletke tolmaǵandar isteri jáne olardyń quqyqtaryn qorǵaý jónindegi komissiialar shamamen 4 myń otyrys ótkizip, 7 myńnan asa isti qaraǵan. Onyń ishinde myńnan asa is qiyn jaǵdaiǵa tap bolǵan otbasylarǵa qatysty, dep habarlaidy Dalanews.kz.
Búginde elimizde balalardyń quqyqtaryn qorǵaý, quqyqbuzýshylyqtyń aldyn alý jáne otbasylardy qoldaý baǵytynda memlekettik organdardyń ózara is-qimylyn úilestiretin 271 komissiia jumys isteidi.
"Kámeletke tolmaǵandar isteri jónindegi komissiialar – balalardyń quqyǵyn qorǵaýdyń basty tetigi. Komissiialardyń qyzmeti - qiyn jaǵdaiǵa tap bolǵan otbasylardy der kezinde anyqtap, olarǵa kómek kórsetý. Biz vedomstvoaralyq ózara is-qimyldy kúsheitip, býllingtiń, kiberbýllingtiń jáne sýitsidtiń aldyn alý baǵytynda jańa tásilder engizip jatyrmyz", – dedi QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova.
Quqyq qorǵaý organdarymen birlesip júrgizilgen vedomstvoaralyq reidterdiń nátijesinde balalardy tárbieleý jónindegi mindetin oryndamaǵan 21,8 myńnan asa ata-ana, túngi ýaqytta kámeletke tolmaǵandardyń turǵyn úiden tys jerde bolýyna jol bergen 107 myńnan asa zańdy ókil, sondai-aq, oiyn-saýyq oryndaryna balalardy kirgizgen 2 myńǵa jýyq kásipker ákimshilik jaýapkershilikke tartylǵan.
