90-shy jyldardyń qiyn-qystaýynda talai janǵa arasha, bireýge - qoldaýshy, aǵaiyn-týysyna qorǵan, otbasyna aiaýly jar, óner-mádeniet ókilderine - naǵyz Ókil áke bolǵanyn el biledi. Almaty qalasy men óńirlerdiń qurylys jáne arhitektýrasyn damytýǵa ólsheýsiz úles qosty. Qurylys kompaniiasynyń tizginin ustai júrip qanshama qazaq jastaryn naǵyz eńbekke, adal nápaqa tabýǵa baýlydy. Aty dardai kompaniialardyń birqataryn Tákeńniń shekpeninen shyqqan sheberler basqaryp otyr. Elin súigen arda uldyń qamqorlyǵyn kórgender ,,búginginiń Atymtai Jomarty osy kisidei-aq bolar,, deýshi edi. ,,Tamasha,, oiyn-saýyq otaýy, ,,Aqqý men Gákký,, teatryn jáne ózge óner qyrandaryn qylaýsyz kómegimen jarylqap júrdi. ,,Kómek berý - bir missiiam siiaqty. Bergim kep, alaqanym qyshyp turady,, degendi alǵaýsyz aitatyn. Kókiregi qars aiyrylǵan qalyń el - sol jaqsylyqtary jánnat esikterin ashsyn dep bet sipasyp qala berdi…
Jary Dúisenkúl ekeýi 7 bala tárbielep ósirgen ónegeli otbasy. Aǵa-ini, qaryndastarynyń, búkil áýletiniń tireýi de, tileýshisi de bir Ózi edi.
Úlkenge qurmetti de, baýyrmaldyq pen syilastyqtyń úlgisin de el-jurt osy kisiniń is-áreketinen kóretin, «qoldan kelse sóitip istegenge ne jetsin» dep shyn peiilmen tilep turatyn.
Qairan Táke!
Dál bulai, aza boidy qaza qylyp qan jutyp, júrek syzdatar estelik jazyp otyramyz dep kim oilaǵan?
Janyńyz Jánnat tórinen jai tapsyn!
Artynda qalǵan et jaqyn, týǵan-týystaryna qaiǵyra kóńil aitamyz.
Baqul bol, bolmysy bólek, jany jaisań Jaqsy Adam!
Dalanews.kz – aqparat agenttiginiń ujymy
