Aqmola oblysynda aýa raiynyń kúrt nasharlaýyna bailanysty qysqy shinalary joq 1064 avtokóliktiń jolǵa shyǵýy ýaqytsha shekteldi, dep habarlaidy Dalanews.kz Ishki ister ministrliginiń resmi saityna silteme jasap
Ministrliktiń málimetinshe, óńirde qatty kóktaiǵaqtyń paida bolýyna bailanysty politsiia qyzmetkerleri kúsheitilgen rejimde jumys istei bastady. Tek alǵashqy kúni-aq jazǵy shinalarmen júrgen 1064 kólik qozǵalystan ýaqytsha toqtatylǵan.
Mundai jaǵdailardyń basym bóligi oblystyq jáne respýblikalyq mańyzy bar trassalarda tirkelgen – 430 derek. Kókshetaý qalasynda shamamen 100 kólikke shekteý qoiylǵan, qalǵandary aýdandyq joldarda anyqtalǵan.
"Birneshe márte eskertý jasalǵanyna qaramastan, kei júrgizýshiler jazǵy rezeńkemen jolǵa shyǵýǵa táýekel etti. Alaida qabyldanǵan sharalardyń jáne patrýlderdiń úilesimdi jumysynyń arqasynda bul kúni zardap shekken nemese qaza tapqan adamdarmen jol apaty tirkelgen joq", – dedi Aqmola oblysy PD bastyǵynyń orynbasary Serik Abýtalipov.
Patrýldik qyzmet ókilderi jolda qiyn jaǵdaiǵa tap bolǵan júrgizýshilerge kómek kórsetken. Sonymen qatar aimaqtyń jol qyzmetteri táýlik boiy kóktaiǵaqtyń saldaryn joiýmen ainalysty. Respýblikalyq mańyzy bar trassalardy óńdeý úshin 190 arnaiy tehnika jáne 900 tonnadan astam kóktaiǵaqqa qarsy material paidalanylǵan.
