Úndeýhat avtorlary birneshe jyldan beri Atyraý oblysy respýblikalyq biýdjettiń demeýshisi bolyp kelgenin tilge tiek etke.
"Biz otandastarymyzǵa qajet ýaqytynda kómek bere alǵanymyzben maqtanamyz. Ókinishke orai, qazir Atyraý oblysynyń basyna qara bult úiirilip tur.
Koronavirýs juqtyrǵan naýqastar kún sanap artýda. Atyraý oblysy naýqastar sanynyń ósý qarqyny boiynsha elde kósh bastap tur.
Kúnine júzdegen adam aýrýhana tósegine tańylýda. Al statsionarlarda adamdar qyrylyp jatyr", – deidi olar.
Hat avtorlarynyń aitýynsha ázir aimaqty úrei, sharasyzdyq bilep tur. Aýrýhanalarda múlde oryn joq. Al jedel járdem shaqyrylǵan ýaqyttan 4-5 saǵattan keiin keledi.
"Barlyq emhanalar jabyq. Oblystyń 7 aýdanynda da jaǵdai aýyr. Ásirese Qyzylqoǵa, Maqat aýdandaryndaǵy jaǵdai qiyn. Ólim kórsetkishi úlken.
Qasym-Jomart Kemeluly! Joǵaryda baiandalǵan jaǵdaidy eskere otyryp, bizge ózge elderden kelgen (Resei, Ońtústik Koreia jáne t.b.) dárigerlerdi jiberýińizdi suraimyz. Atyraý oblysy koronavirýs infektsiiasymen kúresýde tájiribesi bar dárigerler kómegine muqtaj.
Ókinishke orai, jaǵdai óte aýyr. Keshiktirýge, keiinge qaldyrýǵa múlde bolmaidy!!!", – degen janaiqaiyn jetkizgen úndeýhat ieleri Toqaevtan osy másele qulaq turýdan ótinipti.
Hatqa QR memleket jáne qoǵam qairatkeri, QR eńbek sińirgen zańgeri Irak Elekeev, QR eńbek sińirgen ártisi, kúishi Aigúl Úlkenbaeva, etnomýzykant, QR eńbek sińirgen qairatkeri Edil Qusaiynov, kompozitor, QR eńbek sińirgen qairatkeri Rinat Gaisin, QR eńbek sińirgen qairatkeri Sembek Jumaǵaliev, "Qurmet" ordeniniń kavaleri Ádil Qoitanov, belgili ánshi Janna Orynbasarova, qalalyq máslihat depýtaty, zańger Saltanat Rahimova, qoǵam qairatkeri Erlan Kúmisqaliev, QR Jýrnalister Odaǵy múshesi, "Aiqyn" gazetiniń menshikti tilshisi Tursyn Qalimova qol qoiǵan.
