Jobalardyń mańyzy óte zor. Túrkistan oblysyn áleýmettik-ekonomikalyq damytýdyń keshendi jospary aiasynda mańyzdy sý nysandarynyń qurylys-jóndeý jumystary aiaqtalǵan soń Túrkistan qalasyna 250 mln tekshe metr aǵyn sý kelip, bul másele tolyq sheshiledi.
Onyń birinshisi – «Túrkistan» magistraldy kanalyn jóndeý jumystary jalǵasýda. 145 shaqyrymdyq kanaldyń filtratsiialyq shyǵyny kóp 60 shaqyrymyn betondaý jumysy josparlanyp, 50 shaqyrymy betondalyp úlgerdi. Qalǵan 10 shaqyrymy naýryz aiynda aiaqtalady. Osy arqyly 60 mln tekshe metr sý jinalyp, aimaqty kógaldandyrýǵa qoldanylmaq. Sonymen birge aǵyn sýdy paidalaný avtomattandyrylyp, sýdy únemdeýge mán beriledi.
Óńirde qolǵa alynǵan ekinshi joba – «Keńsai-Qosqorǵan» sý qoimasy. Onyń syiymdylyǵy 18 mln tekshe metrden asady.
Buryn jańbyr men qar sýy dalaǵa ketetin, endi sol sý kózi jinalyp, Túrkistan qalasy mańyndaǵy azyq-túlik beldeýi men jasyl alqapqa jiberilmek. Saiabaqtar da sýmen qamtylady.
Túrkistanda «Túrkistan» týristik-rekreatsiialyq ortalyǵy jasandy kóliniń de qurylysy júrip jatyr. Munda jer jumystary 100% aiaqtalǵan. Sý keletin, sý jiberetin kanaldary daiyn. №1, №2, №3 dambalary turǵyzylǵan. Búgingi tańda №1-3 sý keletin kanaldardyń jer jumystary aiaqtalyp, beton quiý jumystary júrgizilýde.
Ómirzaq Shókeev sýarmaly jer kólemin arttyrý, sýdy únemdeý jáne aimaqty jasyl alqapqa ainaldyrý baǵytyndaǵy izdenister men jumystar jalǵasatynyn aityp, merdigerlerge óz jobalaryn sapaly ári ýaqtyly aiaqtaýdy tapsyrdy. Osy jobalar arqyly aýyl sharýashylyǵy men týrizm damidy jáne Túrkistan jasyl qalaǵa ainalyp, ekologiiasy jaqsarady.
