Qazirgi ýaqytta QR Prezidenti Qasym-Jomart Toqaevtyń arnaiy ekonomikalyq aimaqtardyń tiimdiligi men jumys júktemesin arttyrý týraly tapsyrmasy jáne túrki elderiniń sammitinde aitylǵandai, Túrkistan qalasynda túrkitildes elderdi (Túrkiia, Ázirbaijan, Ózbekstan, Qyrǵyzstan, Vengriia) biriktiretin arnaiy ekonomikalyq aimaq qurý týraly bastamasy aiasynda jumystar júrgizilýde.
4 myń gektar jerde ornalasqan «TURAN» arnaiy ekonomikalyq aimaǵynyń 67 jobadan turatyn investitsiialyq qorjynynyń jalpy quny 530 mlrd. teńgeden asty. Ótken jyly oblystyń negizgi kapitalyna 500 mlrd teńgeden astam investitsiia baǵyttaldy. Onyń ishinde syrtqy investitsiia kólemi 80,8 mlrd. teńgeni qurady.
Oblysqa shetelden 350 mln. AQSh dollary kóleminde investitsiia tartý indikatory bekitilgen. 2021 jyldyń 9 aiynda salynǵan tikelei sheteldik investitsiialar kólemi 688,6 mln AQSh dollaryn qurady nemese tikelei sheteldik investitsiialar indikatory 196,7% qurap, 2 esege jýyq artyǵymen oryndalǵan. Óńirde jalpy quny 136,4 mlrd teńgege 1000-ǵa jýyq jumys ornyn ashýmen 33 investitsiialyq joba júzege asyrylmaq. Budan bólek oblysta aldaǵy 3 jylda aýyl sharýashylyǵy salasynda jalpy quny 832,3 mlrd teńgege 17 myńnan astam jumys orny ashylatyn 104 investjoba júzege asyrylýda.
– Osymen birge sheteldik investitsiialardy óńirge tartý maqsatynda, Túrkistan oblysy delegatsiiasynyń Túrkiia Respýblikasyna jasaǵan sapary aiasynda shamamen 20 túrkiialyq kompaniiamen kelissózder júrgizildi. Nátijesinde jalpy quny 7,0 mln AQSh dollaryna teń, shamamen 140 jumys orny qurylatyn «Teksan Madencilik» tsink kontsetratyn óndirý zaýyty jáne «YSL Group» úi-jihazyn shyǵarý zaýytyn iske asyrýǵa kelisim jasalyndy. Qazirgi kezde túrkiialyq investorlar óz jobalarynyń qurylys-montajdaý jumystaryn júrgizip jatyr, – dedi oblys ákiminiń orynbasary.
Sonymen qatar Saýran aýdanynda «Agroparkte» jemis-jidek daqyldaryn ósirý baǵy, intensivti baq ósirý, jońyshqa ósirý jobalary júzege asyrylýda.
