Túrkistanda ańshy myltyǵyn zańsyz saqtaǵan turǵynnan 200 myń teńge surady degen kúdikpen ustalǵan polısıa qyzmetkerine qatysty is tosyn sheshimmen aıaqtaldy, dep habarlaıdy Dalanews.kz orda.kz-ke siltep.

Basylym málimetinshe, tórt aı buryn UQK qyzmetkerleri ustaǵan tártip saqshysy sol sátte qashyp ketýge árekettengen. Alǵashynda is jemqorlyq deregi boıynsha qozǵalǵanymen, keıin alaıaqtyq babyna ózgertilgen.

Prokýror ony 5 jylǵa bas bostandyǵynan aıyrýdy suraǵan. Alaıda sot úkimi jeńildep, 1 930 000 teńge kóleminde aıyppul tóleý mindetteldi.

Osylaısha 38 jastaǵy aıyptalýshy sot zalynan bostandyqqa shyqqan. Buǵan deıin ol qyzmeti men barlyq ataǵynan aıyrylǵan.