Almaty oblysynda saiajai alqaptaryn eldi mekender quramyna qosý jalǵasyp jatyr, dep habarlaidy Dalanews.kz.
Oblystyq sáýlet jáne qala qurylysy basqarmasynyń málimetinshe, óńirde qazir 677 saiajai qaýymdastyǵy bar.
Saiajailardyń eń kóbi Qarasai aýdanynda ornalasqan – 203. Odan keiin Talǵar aýdanynda – 151, Eńbekshiqazaq aýdanynda – 135, Ile aýdanynda – 118, Jambyl aýdanynda – 21 saiajai bar.
Sondai-aq Qonaev qalasynda 9, Alataý qalasynda 40 saiajai alqaby ornalasqan.
2023 jyldan beri búginge deiin 367 saiajai alqaby eldi mekenderdiń quramyna qosylǵan.
2025 jyly tórt eldi mekenniń quramyna engizý úshin 23 saiajai qaýymdastyǵyna qatysty qala qurylysy qujattary daiyndalǵan. Qazir olardyń shekarasyn ózgertý rásimi júrgizilip jatyr.
Bul protsess aiaqtalǵannan keiin jer telimderiniń ieleri resmi túrde tiisti aýyldardyń nemese qalalardyń turǵyndary mártebesin alady.
