2026 jyldyń qańtar-aqpan ailarynda Qazaqstannyń qysqa merzimdi ekonomikalyq indikatory byltyrǵynyń sáikes kezeńimen salystyrǵanda 100,2%-dy qurady. Al 2025 jyldyń osy kezeńinde bul kórsetkish 105,2% bolǵan, dep habarlaidy Dalanews.kz.
Salalar boiynsha qarastyrǵanda, eń tómen ósim ónerkásipte tirkeldi. Naqty kólem indeksi 96,9%-dy qurap, salada 3,1%-ǵa tómendeý baiqaldy.
Ónerkásip óndirisiniń tómendeýi birqatar óńirde anyq kórindi. Atap aitqanda, Atyraý oblysynda kórsetkish 23,9%-ǵa, Batys Qazaqstan oblysynda 13,4%-ǵa, Shyǵys Qazaqstan oblysynda 12,6%-ǵa, Aqmola oblysynda 9,5%-ǵa jáne Qostanai oblysynda 2,1%-ǵa qysqarǵan.
Sonymen qatar keibir salalarda oń ósim saqtalǵan. Eń joǵary kórsetkish qurylys salasynda tirkelip, 114,5%-dy qurady. Budan keiin kólik jáne qoimalaý salasy – 110,7%, al bailanys salasy 103,8% ósim kórsetken.
