2026 جىلدىڭ قاڭتار-اقپان ايلارىندا قازاقستاننىڭ قىسقا مەرزىمدى ەكونوميكالىق ينديكاتورى بىلتىرعىنىڭ سايكەس كەزەڭىمەن سالىستىرعاندا 100،2%-دى قۇرادى. ال 2025 جىلدىڭ وسى كەزەڭىندە بۇل كورسەتكىش 105،2% بولعان، دەپ حابارلايدى Dalanews.kz.

سالالار بويىنشا قاراستىرعاندا، ەڭ تومەن ءوسىم ونەركاسىپتە تىركەلدى. ناقتى كولەم يندەكسى 96،9%-دى قۇراپ، سالادا 3،1%-عا تومەندەۋ بايقالدى.

ونەركاسىپ ءوندىرىسىنىڭ تومەندەۋى ءبىرقاتار وڭىردە انىق كورىندى. اتاپ ايتقاندا، اتىراۋ وبلىسىندا كورسەتكىش 23،9%-عا، باتىس قازاقستان وبلىسىندا 13،4%-عا، شىعىس قازاقستان وبلىسىندا 12،6%-عا، اقمولا وبلىسىندا 9،5%-عا جانە قوستاناي وبلىسىندا 2،1%-عا قىسقارعان.

سونىمەن قاتار كەيبىر سالالاردا وڭ ءوسىم ساقتالعان. ەڭ جوعارى كورسەتكىش قۇرىلىس سالاسىندا تىركەلىپ، 114،5%-دى قۇرادى. بۇدان كەيىن كولىك جانە قويمالاۋ سالاسى – 110،7%، ال بايلانىس سالاسى 103،8% ءوسىم كورسەتكەن.