Sinoptikter 17 naýryzǵa arnalǵan aýa raiy boljamyn jariialady, dep habarlaidy Dalanews.kz.
Qazgidromet málimetinshe, el aýmaǵynda aýa temperatýrasy birtindep joǵarylap, kóktemgi jylymyq sezile bastaidy. Alaida kei óńirlerde tuman, jel jáne jaýyn-shashyn saqtalady:
•Batys jáne ońtústik óńirlerde kúndiz aýa temperatýrasy +10+20°S-qa deiin kóteriledi.
•Soltústik jáne shyǵys aimaqtarda kúndiz +3+8°S shamasynda bolyp, túnde álsiz aiaz saqtalady. 
•Atmosferalyq fronttardyń ótýine bailanysty kei jerlerde jańbyr men qar aralas jaýyn-shashyn túsip, kóktaiǵaq bolýy múmkin. 
Sondai-aq respýblika boiynsha tuman túsip, jel kúsheiedi. Kei óńirlerde shańdy daýyl men kóktaiǵaq kútiledi. 
Sinoptikter aýa raiynyń qubylmaly bolýyna bailanysty turǵyndardy saqtyq sharalaryn saqtaýǵa shaqyrady.
