Синоптиктер 17 наурызға арналған ауа райы болжамын жариялады, деп хабарлайды Dalanews.kz.
Қазгидромет мәліметінше, ел аумағында ауа температурасы біртіндеп жоғарылап, көктемгі жылымық сезіле бастайды. Алайда кей өңірлерде тұман, жел және жауын-шашын сақталады:
•Батыс және оңтүстік өңірлерде күндіз ауа температурасы +10+20°С-қа дейін көтеріледі.
•Солтүстік және шығыс аймақтарда күндіз +3+8°С шамасында болып, түнде әлсіз аяз сақталады. 
•Атмосфералық фронттардың өтуіне байланысты кей жерлерде жаңбыр мен қар аралас жауын-шашын түсіп, көктайғақ болуы мүмкін. 
Сондай-ақ республика бойынша тұман түсіп, жел күшейеді. Кей өңірлерде шаңды дауыл мен көктайғақ күтіледі. 
Синоптиктер ауа райының құбылмалы болуына байланысты тұрғындарды сақтық шараларын сақтауға шақырады.
