Qazaqstanda aqyly avtomobil joldarymen júrý aqysyn tóleý tártibi ózgerdi. Tiisti ózgeristerdi Kólik ministrligi bekitti, dep habarlaidy Dalanews.kz.
Jańa erejege sáikes, jeke tulǵalar úshin tólem merzimi uzardy. Endi júrgizýshiler jol aqysyn 30 kúntizbelik kún ishinde tólei alady.
Eger osy ýaqyt ishinde tólem jasalmasa, 31-kúni materialdar kóliktik baqylaý organdaryna joldanady.
Buǵan deiin talap qatań bolatyn: tólem 7 kún ishinde jasalmasa, 8-kúni-aq ákimshilik jaýapkershilikke tartý úshin materialdar tiisti organdarǵa jiberiletin.
Kompaniialar úshin bólek tártip
Jańa ózgerister aiasynda alǵash ret jeke jáne zańdy tulǵalarǵa qatysty talaptar bólek qarastyryldy.
Zańdy tulǵalar úshin tólem merzimi ózgeshe: olar jol aqysyn esepti aidan keiingi aidyń 20-syna deiin tóleýi tiis.
Eger kompaniia bul talapty oryndamasa, materialdar kelesi kúni-aq kóliktik baqylaý organdaryna jiberiledi.
Qashan kúshine enedi?
Jańa erejeler aqyly respýblikalyq joldardy paidalanýshylar úshin qolaily jaǵdai jasaýǵa jáne aiyppul jaǵdailaryn azaitýǵa baǵyttalǵan.
Qujat alǵashqy resmi jariialanǵan kúnnen keiin 10 kúntizbelik kún ótken soń kúshine enedi.
